لە کانتۆنی قامشلۆ رۆژی زمانی دایک پیرۆزکرا
لە کانتۆنی قامشلۆ بە بۆنەی رۆژی جیهانی زمانی دایک چالاکی ئەنجامدران.
لە کانتۆنی قامشلۆ بە بۆنەی رۆژی جیهانی زمانی دایک چالاکی ئەنجامدران.
لە قامشلۆ، عامودێ، تربەسپی، چلئاغا، تەل براک و تەل حەمیسی سەر بە کانتۆنی قامشلۆ بەبۆنەی رۆژی جیهانی زمانی دایک چالاکی ئەنجامدران.
عامودێ
بەڕێوەبەری قۆتابخانەی عامودێ بەم بۆنەیەوە رێپێوانێکی بە بەشداری سەدان خوێندکار و مامسۆتا و ئەندامانی دەزگا کۆمەڵایەتیەکان ئەنجامدا.
رێپێوانەکە لە گۆڕەپانی شەهید جیهاد دەستی پێکرد و لە گۆڕەپانی ژنی ئازاد لە ناوچەکە گۆڕا بوو میتینگ. لەوێ خوێندکار سیپان عیسا بە زمانی کوردی و خوێندکار لۆرین رەمۆ بە عەرەبی راگەیەندراویان خوێندەوە.
لە راگەیەندراوەکەدا باسی ئەوەکرا کە شۆڕشی رۆژئاوا، باکور و رۆژهەڵاتی سوریا لەگەڵ خۆی سیستمی پەروەردەی دیموکراتی بۆ هەموو پێکهاتەکانی کورد، عەرەب و سوریانی هێناوە و پشتگیر تایبەتمەندیەکانی پێکهاتەکان بکەن کە بە زمانی دایکی خۆیان دەخوێنن.
راگەیەندرا کە لەگەڵ هەموو هەوڵێکی قڕکردن، بەڵام کورد زمان و ناسماەی خۆی پاراستووە.
قامشلۆ
زانکۆئ رۆژئاوا ریزەسمینارێکی لە قامشلۆ بە ناونیشانی ' دۆخی زمانی کوردی لە زانکۆی رۆژئاوا، لەنێوان ئاستەنگی و پلانی بەرەوپێشچووندا' ئەنجامدا.
پسپۆڕانی زمانی کوردی لە رۆژهەڵات، باشور و باکوری کوردستان بە ئۆنلاین بەشداریان کرد.
ترسبەسپی
بەڕێوەبەری قۆتابخانەی ناوچەی تربەسپی لە قۆتابخانەی شەهید رۆناک راگەیەندراوێکی خوێندەوە. راگەیەندراوەکە بە زمانی کوردی لەلایەن خوێندکار هێڵین سلێمان و بە زمانی عەرەبی لەلایەن خوێندکار کیوان کەنانەوە خوێندرانەوە.
لە راگەیەندراوەکەدا رۆژی جیهانی زمانی کوردی پیرۆزکرا و راگەیەندرا، " زمان ناسنامەیە و وابەستەبوونی، دوێنێ، ئەمڕۆ و دوارۆژە."
هەروەها هێرشی دەوڵەتی داگیرکەری تورک لەسەر گۆڕەپانی پەروەردەیی باکور و رۆژهەڵاتی سوریا شەرمەزارکرا و بانگەوازی لە هێزە نێودەوڵەتیەکان کرا کە کەلتوری نەتەوەکان بپارێزن و مافی پەروەردە بە زمانی دایک بۆ هاوڵاتیانی سوریا مسۆگەر بکەن.
چلئاغا
لە ناوچەی چلئاغاش لەبەردەم قۆتابخانەی ناوچەکە راگەیەندراوێک خوێندرایەوە.
خوێندکار نەورۆز حسێن راگەیەندراوەکەی خوێندەوە. نەورۆز حسێن ئاماژەی بە رۆڵی خۆبەڕێوەبەری و پاراستنی زمانی پێکهاتەکانی هەرێمەکە کرد.
تەل بەراک
ناوەندی پەروەردەیی ناوچەی تەل بەراک بە هەمان بۆنە راگەیەندراوێکی بڵاوکردەوە. لە راگەیەندراوەکەدا بانگەوازی یەکگرتن و خاوەنداریکردن لە زمانی دایکی گەلان کرا.
تەل حەمیس
بە دەیان خوێندکار لەبەردەم ئەنجومەنی انوچەی تەل حەمیس کۆبوونەوە و راگەیەندراوێک بڵاوکرایەوە. راگەیەندراوەکە لەلایەن عومەر عەبدولرەحیمەوە خوێندرایەوە.
لە راگەیەندراوەکەدا باسی ئەوەکرا کە زمان ناسناەی کۆمەڵایەتی نەتەوەکان بنیات دەنێت و ئەوەش خرایەڕوو کە، " هێزە داگیرکەران هەوڵ دەدەن زمان و ناسنامەی گەلان لەناوببەن. دەوڵەتان شەڕی زمان دەکەن بۆ ئەوەی پەیوەندی لەنێوان تاکەکانی کۆمەڵگا بپچڕێنن و مرۆڤ لە بناغەیان دوور بخەنەوە."
ف.ق