تەرمی شەڕڤانی هێزەکانی سوریای دیموکراتیک (قەسەدە) محمد دڵبەخوێن (ئیسماعیل خەڵەف) لە ٢٦ی حوزەیران لە عەین عیسا شەهیدبوو، لە کۆبانێ بە خاک سپێردرا.

دانیشتوانی کانتۆنی فورات و نوێنەرانی دامەزراوەکانی سەر بە ئیدارەی خۆبەڕێوبەری دیموکراتیک گەلێک کەس بەشداری مەراسیمەکە بوون لە مەزارگەی شەهید دیجلە،.

لە مەراسیمەکەدا ئەندامی مەجلیسی بنەماڵەی شەهیدان، شیرین محمد سەرخۆشی لە بنەماڵەی شەهیدان کرد و گوتی:"دەبێ دەوڵەتی تورک و هاوپەیمانەکانی باش بزانن، ئێمە بە شەهیدبوون لە ناوناچین، ئێمە بە هەزاران کەس ڕێگای شەهیدانی خۆمان دەگرین. سەربەرز و سەربەڵندین بە شەهیدەکانمان".

یەکێک لە فەرماندەکانی مەجلیسی سەربازی شاری گرێ سپی ڕیاز خەڵەف وتی:" شەهید دڵبەخوێن بە بەرخۆدانی خۆی هەتاوەکو کۆتایی تێکۆشانی کرد. شەهیدان بۆ پاراستنی خاکەکەیان تێکۆشانیان کرد. هەربۆیە ئێمەش هەتاوەکو کۆتایی رێگەی شەهیدان دەگرین و تێکۆشان دەکەین."

دواتر ناسنامەی شەهید لە لایەن مەجلیسی بنەماڵەی شەهیدان خوێندرایەوە و ڕادەستی بنەماڵەی شەهیدکرا.

تەرمی شەهید بە دروشمی" شەهید نامرن" بەخاک سپێردرا.