هاوڵاتیانی ناوچەی عەین عیسا و پەنابەرانی کانتۆنی گرێ سپی لەسەر داواکاری پەیەدە هاتنە مەیدانەکان و بۆ ئازادی جەستەیی ڕێبەری گەلی کورد عەبدوڵلا ئۆجالان ڕێپێوانیان کرد. لە ڕێپێوانەکەدا وێنەی ڕێبەری گەلی کورد عەبدوڵلا ئۆجالان بەرزکرایەوە و دروشمی "بژی سەرۆک ئاپۆ" وترا.

ڕێپیوانەکە تا فولکەی شەهید جودی بەردەوام بوو، لەوێ هاوسەرۆکی پەیەدەی کانتۆنی گرێ سپی سەبری نەبۆ قسەی کرد و وتی: "دەولەتی تورک بە دیڵکردنی ڕێبەری گەلی کورد عەبدوڵلا ئۆجالان، تەمەنی شەڕ و ئالۆزی لە ناوچەکەدا زیاد دەکات. هەر لەبەر ئەم هۆکارەش گەل باوەری بە فکری ڕێبەری گەلی کورد عەبدوڵلا ئۆجالان هەیە و بەو فکرە هەمیشە بۆ ئازادی و دیمۆکراسی لە بەرامبەر دوژمنان تێکۆشان دەکات".

نەبۆ سەرنجی خستەسەر هێڕشەکانی دەولەتی تورکی داگیرکەر و وتی: " دەولەتی تورک هەوڵ دەدات بە هێڕشەکانی بوون و ئیرادەی گەلەکەمان لەناو ببات، بەلام بەرخۆدانی مێژوویی تەڤگەری ئازادی، گەریلا و هێزەکانی پاراستنی گەلی ناوچەکە هێڕشەکانی دوژمنی پوچەڵ کردۆتەوە و بە دڵنیاییەوە کۆتایی بە فاشیزم دەهێندرێت".

ڕێپێوانەکە بە دروشمی "بژی سەرۆک ئاپۆ" کۆتایی هات.