ناوەندی راگەیاندنی هێزەکانی ئاسایشی ناوخۆ لە راگەیەندراوێکدا ناسنامەی ٣ شەهیدی بەرخودانی قەرەقۆزاخی ئاشکرا کرد کە لە بەرخودان دژی هێرشە داگیرکەرییەکانی دەوڵەتی تورکی داگیرکەر و چەتەکانی شەهیدبوون.  

لە راگەیەندراوەکەدا هاتووە، کە ٣ ئەندامی هێزەکانی ئاسایشی ناوخۆ لە بەرخودانی پردی قەرەقۆزاخی نزیک منبج شەهیدبوون. راگەیەندراوە کە ئەو سێ شەهیدە لە بەرامبەر هەموو جۆرە کردەوە دوژمنکارانەکاندا بوونە هێمای قارەمانێتی و گیانبازی.

ئەوەش خراوەتەڕوو، "شەهیدان لە یادەوەری گەلەکەماندا بە زیندوویی دەمێننەوە، مەشخەڵی درێژەدان بە تێکۆشانی ئازادی و شکۆمەندین بۆ نەوەی داهاتوو. ئێمە بە دڵنیاییەوە رێبوار و شوێنکەوتووی رێبازی ئەوان دەبین و ئامانجەکانیان دەگەیەنینە سەرکەوتن. تێچووەکەی چی دەبێت با ببێت لە رێی پاراستنی بەها و خاکەکەماندا هەنگاو بۆ دواوە نانێین. سەرەخۆشی لە بنەمای شەهیدانمان دەکەین. بەڵێن دەدەین خوێنیان بە فیرۆ ناچێت، رێپێوانی ئازادییان مەشخەڵی رۆشنکەرەوە رێگای ئازادی و تێکۆشانمان دەبێت".

ناسنامەی شەهیدان:

ناو و پاشناو: مستەفا عیسا

ناوی دایک: خانم

ناوی باوک: محەمەد

شوێن و کاتی لەدایکبوون: کۆبانێ، ٥ی تشرینی یەکەمی ٢٠٠٠

رێکەوتی بەشداربوون: ٢ی تشرینی یەکەمی ٢٠١٩

شوێن و کاتی شەهیدبوون: پردی قەرەقۆزاخ، ٩ی کانونی یەکەمی ٢٠٢٤

پلە: جێگری یەکەم

ناو و پاشناو: ئیبراهیم ئیبراهیم

ناوی دایک: یوسرا

ناوی باوک: فەیسەڵ

شوێن و کاتی لەدایکبوون: گرێ سپی، ١ی کانونی دووەمی ١٩٩٨

رێکەوتی بەشداربوون: ٢٨ی ئاداری ٢٠٢٠

شوێن و کاتی شەهیدبوون: پردی قەرەقۆزاخ، ٩ی کانونی یەکەمی ٢٠٢٤

ناو و پاشناو: رەشید عەبدۆ

ناوی دایک: فاتمە

ناوی باوک: ئەحمەد

شوێن و کاتی لەدایکبوون: عەفرین، ١٩٩٧

رێکەوتی بەشداربوون: کۆبانێ ٩ی کانونی ٢٠٢٤

شوێن و کاتی شەهیدبوون: پردی قەرەقۆزاخ، ١١ی کانونی یەکەمی ٢٠٢٤