دکتۆرای زانستە سیاسییەکان فەرناز عەتییە، لەسەر پڕۆژەی نەتەوەی دیموکراتیکی ڕێبەری گەلی کورد عەبدوڵا ئۆجەلان، هەڵسەنگاندی بۆ ئاژانسی فورات کرد.

فەرناز عەتییە وتی:" کاتێک لە ڕوانگەی سیاسییەوە سەیری پڕۆژەی نەتەوەی دیموکراتیک دەکەین، دەبینین بەڕێز عەبدوڵا ئۆجالان داوای نەتەوەیەکی دیموکراتیک دەکات و ئەمەش ئەوە دەردەخات کە ئەو دەیەوێت پرەنسیپی هاوڵاتیبوون بەهێز بێت و پێویستە کۆمەڵایەتی بوون پێش بکەوێت و پەیماننامەی نێوان هاووڵاتی و دەسەڵاتداریی نەتەوەی دیموکراتیک یەکسانی لە نێوان ژن و پیاودا هەبێت، کە هەریەکەیان مافی ئەوەیان هەیە بە شێوەیەکی شەرعی بژین و پێکەوەژیانی هاوبەش لە نێوانیاندا ببێت."

لە درێژەی قسەکانیدا وتی:"با لەبیرمان نەچێت کە دیارترین مۆدێل بۆ جێبەجێکردنی ئەم بیرۆکەیە مۆدێلی خۆبەڕێوەبەریی باکور و ڕۆژهەڵاتی سوریایە، مۆدێلەکە لەسەر بنەمای بیرۆکەی نەتەوەی دیمۆکراتیک، مۆدێلەکە لەسەر بنەمای ئازادی و یەکسانی دامەزراوە. لە ئایین و ئایینزا و پێکهاتەی نەتەوەیی جیاواز  پێکهاتووە."

فەرناز عەیتیە وتی:"ئەگەر پەرە بە بیرۆکەکانی بەڕێز عەبدوڵا ئۆجالان بدەین، دەبینین کە باسی ناناوەندیبوونی ئابووری لە شارەوانییەکان کردووە و ئەمەش یەکێکە لە پێکهاتە گرنگەکانی بەڕێوەبەرییە. لەبەر ئەوە تیشک دەخاتە سەرپێویستی ئازادی، یەکسانی و پێویستی دیموکراسی و توانای بەڕێوەبردنی کۆمەڵگا."

سەبارەت بە پرسی ژنان، فەرناز عەتیە ڕایگەیاند، لە بیرۆکەکانی ڕێبەری گەلی کورد عەبدوڵا ئۆجالان قسەکردن لەسەر پرسی ژن و ڕۆڵەکانی بەگرنگ دەبینێ، هەروەها چەمکی کۆیلایەتی بە هەموو شێوەیەک ڕەتکردووتەوە، بەتایبەتی کۆیلایەتییەک کە بەسەر ژناندا سەپێنراوە.

فەرناز عەتیە وتی:"عەبدوڵا ئۆجەلان چەمکی ئازادی نوێکردەوە و زانستی (ژنولۆژی) دروستکرد، ئەم زانستە سەبارەت بە پەیوەندییەکانی ژنان لەگەڵ ئابووری، کۆمەڵگا و کاری کۆمەڵایەتی هەڵسەنگاندن دەکات. ئەمە پڕۆژەیەکی ڕاستەقینەیە. لە ئەنجامدا دەبێت بە باشی لێی تێبگەین، پێویستە لە وڵاتانی عەرەبی و ڕۆژهەڵاتی ناوەڕاستدا بڵاوی بکەینەوە."