پارتی یەکێتی دیموکراتیک (پەیەدە) بە ڕاگەیاندراوێکی نووسراو داوا ئاشکراکردنی چارەنووسی زیندانیان و بێسەروشوێنانی کوردی لە زیندانەکانی ڕژێم کرد. بانگەواز لە بەرپرسان دەکات زیندانی و بێسەروشوێنەکان بدۆزنەوە. ئاماژە بەوە کراوە، پەیەدە لە ڕۆژی دامەزراندنییەوە بووەتە ئامانجی ڕژێمی بەعس، چەندین کەس لەژێر ئەشکەنجەدا شەهیدکراون لەنێویاندا شەهید ئەحمەد حوسێن و شەهید عوسمان دادەلی. هەروەها ساڵی ٢٠٠٤ لە سەردەمی ناسر ئەل عەلی کە ئەوکات بەڕێوەبەری یەکەی ئەمنی بوو، چارەنووسی هەزاران کەس نادیارە، لەنێویاندا نازێ ئەحمەد کەچەڵ.  

هەروەها داوا لەو بەرپرسانە کراوە کە پەیوەست بە زیندانیەکان و بێسەروشوێنانی نێو زیندانەکانی ڕژێمی بەعس کاردەکەن، هاوکاربن لە زانینی چارەنووسی نازێ ئەحمەد کەچەڵ و هەموو زیندانیان و بێسەروشوێنانی کورد.

پەیەدە دەربارەی نازێ کەچەڵ ئەم زانیارییانەی بڵاوکردەوە:

ناو و پاشناو: نازێ کەچەڵ

ناوی دایک: حەلیمە

ناوی باوک: ئەحمەد

شوێن و کاتی لەدایکبوون: دێرک (مالیکیە)، گوندی سوێدیە، ١٩٧٥.