قەسەدە: دوو چەتەی داعش دەستگیرکران
قەسەدە رایگەیاند، لە چوارچێوەی 'هەنگاوی تۆڵەی شەهیدانی رەقا' دا دوو چەتەی داعش دەستگیرکراون.
قەسەدە رایگەیاند، لە چوارچێوەی 'هەنگاوی تۆڵەی شەهیدانی رەقا' دا دوو چەتەی داعش دەستگیرکراون.
ناوەندی راگەیاندن و چاپەمەنی هێزەکانی سوریای دیموکراتی (قەسەدە) لە راگەیەندراوێکدا ئاماژەی بەوەکرد کە هێزەکانیان دوو چەتەی داعشیان دەستگیر کردووە.
راگەیەندراوەکە بەم شێوەیەیە؛
" لە چوارچێوەی هەنگاوی تۆڵەی شەهیدانی رەقادا هێزەکانی ئۆپراسیۆنی هاوبەش بە هاوکاری هێزی ئاسمانی هاوپەیمانی نێودەوڵەتی ئۆپراسیۆنی هەڵکوتاسەر شوێنی شانە شاراوەکانی داعشی تیرۆریستیان لە رەقا ئەنجامدا. لە ئۆپراسیۆنەکەدا ٢ ئەندامی رێکخستنی تیرۆریستی دەستگیر کران. ئەو تیرۆریستانە هێرشی تیرۆریستیان ئەنجام داوە و بەشداریان لە هێرشی دژی ناوەندی هێزەکانی ئاسایشی ناوخۆ لە گەڕەکی دریەدا کردووە.
ناوی هەردوو تیرۆریستەکە بەم شێوەیەیە؛ ئەحمەد عید ئەلعوبێد و کاسر عیدان ئەلعوبێد. ئەو دوو تیرۆریستە لە ساڵی ٢٠١٦دا بەشداریان لە داعشدا کردووە.
هەردوو تیرۆریستەکە دانیان بەوەدا ناوە کە هەوڵی رزگارکردن و شاردنەوەی چەتەکانی داعشیان داوە لە هێرشی گەڕەکی دریەی رەقا.
هەردوو تیرۆریستەکە راستەوخۆ پەیوەندیان بە ئەمیری داعشی رەقاوە هەبووە."
ف.ق