ناوەندی ڕاگەیاندنی هێزەکانی سوریای دیموکراتیک (قەسەدە) بە ڕاگەیاندراوێکی نووسراو، ناسنامەی ٢ فەرماندەی بە ناوەکانی شێرۆ عەلی و ئەسکەندەر عەلا ئاشکرا کرد.

لە ڕاگەیاندراوەکەدا گوتراوە: "لە بەرخۆدانی قارەمانانەی هێزەکانمان، هێزەکانی سوریای دیموکراتیک لە مەنبەج و گوندەکانی دەوروبەری دژی هێزەکانی دەوڵەتی داگیرکەری تورک و چەتەکانی، هاوڕێی فەرماندەمان لە هێزەکانی جەبهەت ئەل ئەکراد لەژێر ئاڵای هێزەکانماندا شێرۆ و فەرماندەی لیوای شۆڕشگێرانی ئەدلب (لواء الثوار ادلب) ئەسکەندەر شەهیدبوون.

هەردوو هاوڕێمان، بە هێز و پێداگرییەوە شاری مەنبەج و خەڵکەکەیان پاراست، وێنەی هەرە بەرزی بەرخۆدانی مێژوویی بوون دژی دەوڵەتی داگیرکەری تورک و چەتەکانی، تا ئەوکاتەی شەهیدبوون".

لە ڕاگەیاندراوەکەدا سەرەخۆشی لە بنەماڵەی شەهیدان کراوە و دەڵێت: "بێگومان لەدەستدانی هاوڕێیانمان شێرۆ و ئەسکەندەر بۆ گەلی بەرخۆدەرمان، لەدەستدانێکی مەزنە. بەڵام ئەمڕۆ پێداگریمان لەسەر درێژەدان بە تێکۆشانی هەردوو شەهید و تەواوی شەهیدان لە هەموو کاتێک زیاترە. تێکۆشانمان بە سەرکەوتن تاجدار دەبێت".

ناسنامەی شەهیدەکان:

ناسناو: شێرۆ عەلی

ناو و پاشناو: شێرۆ بەشار

ناوی دایک: عەزیزە

ناوی باوک: محەمەد عەلی

شوێنی لەدایکبوون: تەل عەران

شوێن و کاتی شەهیدبوون: مەنبەج/ ١٢ ی کانوونی یەکەمی ٢٠٢٤.

***

ناسناو: ئەسکەندەر عەلا

ناو و پاشناو: عەلا حەمیجۆ

ناوی دایک: جەمیلە

ناوی باوک: شەعبان

شوێنی لەدایکبوون: لازقیە

شوێن و کاتی شەهیدبوون: عەریمە_مەنبەج/ ٨ ی کانوونی یەکەمی ٢٠٢٤.