ناوەندی راگەیاندنی قەسەدە لەبارەی هێرشەكەی رۆژی شەممە راگەیەندراوێكی بڵاوكردەوە کە لە ئەنجامدا ٤ كەس شەهید بوون كە دووانیان منداڵن.

راگەیەنراوەکەی قەسەدە بەم شێوەیەیە:

"دەوڵەتی داگیرکەری تورک بەردەوامە لە ئەنجامدانی کۆمەڵکوژی دژی گەلەکەمان لە باکور و رۆژهەڵاتی سوریا، گوند و شارۆچکەکان و خەڵکی سڤیل دەکاتە ئامانج و یاسا نێودەوڵەتییەکان و سەروەری وڵاتێکی ئەندامی نەتەوە یەکگرتووەکان پێشێل دەکات. فڕۆکەی بێفڕۆکەوان بەردەوامە لە دوژمنایەتی خەڵکی مەدەنی و ناوچەی مەدەنی و دوکان و ئۆتۆمبێل و گوند و هەموو شتێکی جوڵاو و بێ جووڵە لە ناوچەکانمان دەکاتە ئامانج.

سەرلەئێوارەی دوێنێ (٦ی ئاب) ، فڕۆکەیەکی بفڕۆکەوانی دەوڵەتی داگیرکەری تورک لە گەڕەکی سەناعەی شاری قامیشلۆ ئۆتۆمبێلێکی بۆردومان کرد. لە ئەنجامدا ئەندامی دامەزراوەی دیسپلینی سەربازی 'ڕوخاز ئامودێ' لەگەڵ ٣ هاوڵاتی دیکە شەهید بوو کە ٢ کەسیان منداڵن و هەندێکی دیکەش بریندار بوون.

هاوڕێمان 'ڕوخاز' نموونەی شەڕڤانێکی دیسپلین بوو کە بەپێی یاسا و ڕوانگەی سەربازی ڕەفتاری کرد. ڕۆحی دۆستایەتی بۆ هەموو ئەو کەسانە بڵاوکردەوە کە لەگەڵیدا کاریان دەکرد و جێگەی خۆی لە دڵی هەموو هاوکارەکانیدا کردەوە. تەنانەت لە سەختترین بارودۆخیشدا بە دڵسۆزیەوە کاری دەکرد.

ئەم هێرشە دڕندانەیە و هێرشەکانی دیکە لە چوارچێوەی بەئامانجکردنی سیستماتیکدا لەبەر ئەوەیە کە ئەو دەوڵەتانەی کە گەرەنتی ئاگربەست دەکەن چاویان لەرانبەر داگیرکەری تورک داخستووە. پێش هەموو شتێک ڕووسیا و ئەمریکا بەرپرسیارێتی ئەم هێرشانەن. دەتوانن پێش بە تاوانەکانی داگیرکاریی تورکیا بگرن لە دژی گەلەکەمان. گوشار بخەنە سەر دەوڵەتی تورکی داگیرکەر و سنوورێک بۆ پێشێلکارییەکانی دابنێن، ئەمە ئەرکی ڕای گشتی جیهانە. هه‌روه‌ها پێویسته‌ ئه‌م دۆسیه‌ پێشكه‌ش به‌ ئه‌نجومه‌نی ئاسایشی نه‌ته‌وه‌ یه‌كگرتووه‌كان بکرێت، بۆ ئه‌وه‌ی به‌ پێی مادده‌ی ٧ بڕیارێك بدرێت كه‌ ده‌وڵه‌تی داگیركه‌ری تورك ده‌بێت له‌ خاكی سووریا بكشێته‌وه‌ و كۆتایی به‌ داگیركارییه‌كه‌ی بهێنێت.

سەرەخۆشی لە خانەوادەی شەهید "روخاز عامودێ" و سەرجەم بنەماڵەی شەهیدان و گەلەکەمان دەکەین، هیوای زوو چاکبوونەوە بۆ بریندارەکان دەخوازین. بەڵێن دەدەین تۆڵیان بکەینەوە.

ناسنامەی هەڤاڵی شەهیدمان بەم شێوەیەیە:

نازناو: ڕوخاز عامودێ

ناو و پاشناو: مەزڵوم سەعیدەدین ئەسعەد

ناوی دایک: هەدییە

ناوی باوک: سەعیدەدین

شوێن و بەرواری لەدایکبوون:عامودێ ١٩٨٩

شوێن و بەرواری شەهیدبوون: گەڕەکی سناعە-قامسلۆ - ٦ی ئابی ٢٠٢٢."