شانەیەکی نهێنیی چەتەکانی داعش لە هۆلی حەسەکە دەستگیرکران
هێزەکانی ئاسایشی ناوخۆ لە ناوچەى هۆلی حەسەکە دەستیان بەسەر شانەیەکی نهێنیی چەتەکانی داعش و ژمارەیەک چەکدا گرت.
هێزەکانی ئاسایشی ناوخۆ لە ناوچەى هۆلی حەسەکە دەستیان بەسەر شانەیەکی نهێنیی چەتەکانی داعش و ژمارەیەک چەکدا گرت.
ناوەندی راگەیاندنی هێزەکانی ئاسایشی ناوخۆ لە ڕایگەیاندراوێکدا بڵاویکردەوە، هێزەکانیان شانەیەکی داعشیان لە ناوچەی هۆل دەستگیرکردووە، کە لە ٤ کەس پێکهاتوون.
لە ڕاگەیەندراوەکەدا هاتووە: "وەک بەشێک لە ئۆپەراسیۆنەکانی ئارامی و گەڕان، هێزەکانمان کار لەسەر جموجوڵی شانە نهێنییەکان دەکەن، کە هەوڵ دەدەن سوود لە دۆخی زیندانی سەناعەی حەسەکە وەربگرن بۆ گورزلێدان لە ئاسایشی باکور و ڕۆژهەڵاتی سوریا، لە چوارچێوەی ئەو هۆشیاریی و وریاییەدا، شەوی دووشەممە ٢٤ی کانوونی دووەم ٤ ئەندامی شانە نهێنییەکانی چەتەکانی داعش لە هۆل دەستگیرکران، کە ژمارەیەک چەک و جبەخانەیان پێ بوو.
ئەو چەک و کەلوپەلانەی دەستیان بەسەردا گیراوە بەم شێوەیەیە:
٣ چەکی کلاشینکۆف، ٢ تاپڕ، ١ بڕنەو، ١٨٦ فیشەکی بڕنەو، ٥ مەغزەن، ٢ خەنجەر و ٣ مۆبایل.
داوا لە هەموو گەلەکەمان دەکەین، ئەگەر جموجوڵێک، یان ئامێرێکی گوماناوییان بینی، زانیاری بدەنە نزیکترین بنکە و خاڵی هێزەکانمان".
ژ.ت