تەرمی شەڕڤانی هێزەکانی ئەرکی خۆپارستن عەبدوڵا ئەل عەبدوڵا کە ٧ ی کانونی یەکەم لە کاتی جێبەجێکردنی ئەرکەکەیدا شەهید ببوو، بە بەشداری سەدان کەس لە دانیشتوانی حەسەکە، ئەندامانی رێکخراوە مەدەنی و سەربازییەکان بە مەراسیمێک بەخاکسپێردرا.

تەرمەکە لەبەردەم ئەنجومەنی بنەماڵەی شەهیدان وەرگیرا و بە شێوەی جەماوەری گەل بەرەو گۆڕستان بەڕێکەوتن.

لە گۆڕستان بە نوێنەرایەتی ئەنجومەنی بنەماڵەی شەهیدان بەدری هەوالە قسەی کرد و سەرەخۆسی لە بنەماڵەی شەهید کرد.

فەرماندەی ئەنجومەنی سەربازی حەسەکە عەبدولستار حەسەکەش رایگەیاند کە شەهیدان رێگای گەلان رووناک دەکەنەوە و بە گیانبازی خۆیان رێگەی بەرخودانی رەوای پاراستنی خاک لە بەرامبەر داگیرکەران دەنەخشێنن.

لە کۆتایی مەراسیمەکەدا بەڵگەنامەی شەهیدبوون خوێندرایەوە و رادەستی بنەماڵەکە کرا. دواتر تەرمی شەهید بە هەلهەلەی دایکان بە خاکسپێردرا.

هـ . ب