دانیشتووانی ناوچەی دەرباسیەی کانتۆنی جەزیرە، تەرمی شەڕڤانی هێزەکانی سوریای دیموکراتیک (قەسەدە) عەگید سەرێکانی (عەبدولجەلیک محەمەد ئەلعیسا) کە لە بەرخۆدان بەرامبەر هێرشی دەوڵەتی داگیرکەری تورک لە ناوچەی زرگان لە ١٢ ی کانوونی یەکەم شەهید بوو، بەخاکسپارد. هەروەها شەڕڤانی هەپەگە کەنداڵ جودی (ڕزگار دەروێش) کە لە مەتینای هەرێمەکانی پاراستنی مەدیا لە ٢٨ ی تشرینی دووەم شەهید بوو، بە مەراسیمێکی غیابی یادکرایەوە.

لە مەراسیمەکەدا ئەندامی مەجلیسی بنەماڵەی شەهیدانی ناوچەی دەرباسیە فۆزە یوسف، گوتی: "لەسایەی فیداکاری گەنجانی هەرێمەکەوە، پلانەکانی دژی یەکێتی گەلان هەڵوەشایەوە".

فۆزا بەڵێنی بەرخۆدان بەرامبەر هێرشەکان و بەردەوامیدان بە تێکۆشان دا.

ئەندامی مەجلیسی سەربازی عامودا، بەرخۆدان عامودا ڕایگەیاند، بۆ لەناوبردنی هێرشەکانی دەوڵەتی تورک یەکگرتن پێویستە.

مامی شەهید کەنداڵ جودی، محەمەد دەروێش قسەی کرد و بەڵێنی درێژەدان بە ڕێگەی شەهیدانی دووپاتکردەوە.

پاشان مەراسیمی هەر دوو شەهید خوێنرایەوە و ڕادەستی بنەماڵەکانیان کرا. تەرمی شەهید عەگید سەرێکانی لە گۆڕستانی شەهید ڕۆستەم جودی بەخاکسپێردرا.