دانیشتووانی عەفرین و شەهبا، تەرمی شەڕڤانی هێزەکانی ڕزگاری عەفرین (هەرەئە)، شەهید کارکەر عەفرینیان لە ناوچەی ئەحرەزی کانتۆنی شەهبا بەخاکسپارد،  کە ١٦ ی کانوونی یەکەم لە قۆناغی دووەمی بەرخۆدانی سەردەم شەهید بوو.

لە مەراسیمەکەدا، ئەندامانی پارتی یەکێتی دیموکراتیک (پەیەدە)، کۆنگرەی ستار، کۆنگرەی ئیسلامی دیموکراتیک، دانیشتووانی عەفرین و شەهبا و مەجلیسی بنەماڵەی شەهیدان ئامادە بوون.

ئەندامی مەجلیسی بنەماڵەی شەهیدان، سورەیە حەبەش، گوتی: "بەڵێن دەدەین وەفاداربین بەرامبەر خوێنی شەهیدان، تا دوا دڵۆپی خوێن بۆ بەدیهێنانی ئامانجەکانیان تێدەکۆشین".

پاشان ناسنامەی شەهید خوێنرایەوە و ڕادەستی بنەماڵەکەی کرا.

تەرمی شەهید بە درووشمی "شەهید نامرن" و هەلهەلەی دایکان بەخاک سپێردرا.