تەرمی شەڕڤانی جەبهەت ئەکراد یوسف عەبد کە لە ئەنجامی تەقینەوەی مینێک لە ڕۆژئاوای مەنبەج شەهیدبوو لە مەنبەج بەخاکسپێردرا. سەدان دانیشتووی کانتۆنی مەنبەج و ئەندامانی ئیدارەی خۆبەڕێوەبەری دیموکراتیکی کانتۆنی مەنبەج، دامەزراوەکان و پارتەکان و مەجلیسە مەدەنییەکان و مەجلیسی بنەماڵەی شەهیدان، مەجلیسی کۆمەڵەی ژنانی زنوبیا و ڕێکخراوە مەدەنییەکان بەشداری مەراسیمەکە بوون.

ئەندامی مەجلیسی بنەماڵەی شەهیدان، حوزەیفە عەبدۆ گوتی: "شەهیدان بۆ ڕزگارکردنی جڤاکەکەیان لە کۆیلایەتی تێکۆشان و لەسەر ڕێچکەی شەهید عەزیز عەرەب و شەهیدانی ئازادی بۆ ئازادکردنی هەرێمەکە لەدەستی داگیرکەران و چەتەکان، گیانیان فیدا کرد".

فەرماندە لە هێزەکانی جەبهەت ئەکراد، ئەحمەد بەدراوی گوتی: "تا کۆتایی شوێنکەوتەی شەهیدان دەبین و گەلەکەمان لە زۆرداری دەپارێزین".

هاوسەرۆکی نووسینگەی ڕاگەیاندنی ئیدارەی خۆبەڕێوەبەری دیموکراتیکی کانتۆنی مەنبەج، هەیسەم حەمدۆ گوتی: "ئیرادەمان بە پشتیوانی گەلەکەمان بەهێزە. بەرامبەر هەڕەشە و هێرشەکان بەرخۆدان دەکەین و شەهید دەبەخشین. بە تێکۆشان و فیداکاریمان، ڕێگە نادەین کەس هێرش بکاتە سەر خاکەکەمان".

پاشان ناسنامەی شەهید خوێنرایەوە ڕادەستی بنەماڵەکەی کرا.

تەرمی شەهید بە درووشمی "شەهید نامرن" بەخاکسپێردرا.