بە سەدان کەس تەرمی شەهید دەنەدەهـ زەخیرە، لە بەردەم باڵەخانەی ئەنجومەنی خانەوادەی شەهیدانی حەسەکە وەرگرت و بە کاروانێکی سەربازی بەرەو گۆڕستانی شەهیدانی شەداد بەڕێکەوتن.

لە گۆڕستانەکە شەڕڤانانی قەسەدە مەراسیمێکی سەربازیان ئەنجامدا و دواتر لەسەر ناوی ئەنجومەنی خانەوادەی شەهیدان نەبیر نەزال قسەی کرد و سەرەخۆشی لە خانەوادەی شەهید کرد.

نەزار رایگەیاند، ئەم فیداکار و رۆڵەی پێشەنگی شەهیدان لە مسۆگەرکردنی ئاشتیدا لەبیر ناکرێت و ئامانجی شەهیدان جێبەجێ دەکەن.

کازم حەسەکە فەرماندە لە بەرەی تروازی لە سەرەتای قسەکانیدا سەرەخۆشی لەو خانەوادانەی شەڕڤانانی قەسەدە کرد کە لەدژی داگیرکەری تورک، بە قاڕەمانی شەڕیان کرد و شەهید بوون و وتی، " ئێمە ئەمڕۆ رووبەرووی مەترسی داگیرکەری بووینەتەوە، بۆیەش پێویستە بە هەموو پێکهاتەکانمانەو کار بکەین و یەکگرتووبین، بۆ ئەوەی رێگری لەم مەترسیە بکەین. ئەم قۆناغە مەترسیدارە و پێویستە بە یەک دەست خاکی پیرۆز، خاکی شەهیدان بپارێزین."

لە کۆتایی مەراسیمەکەدا عەلا سەلوم ئەندامی ئەنجومەنی خانەوادەی شەهیدان ناسنامەی شەهیدی خوێندەوە و رادەستی خانەوادەکەی کرایەوە. دواتر تەرمی شەهید بە دروشم و هەلهەلەلێدان بەخاکسپێردرا.

ف.ق