دانیشتوانی کانتۆنی فورات دژی هێرشە داگیرکارییەکانی چەتەکانی دەوڵەتی تورک بۆ سەر باکور و ڕۆژهەڵاتی سوریا لە گەڵ ئاژانسی فورات قسەیان کرد و ڕایانگەیاند کە تەنها بە بیرۆکەکانی ڕێبەر ئاپۆ ئاڵۆزییەکان چارەسەر دەبن.

یەک لەو هاووڵاتیانە ناوی بریندار عەلی-ـە باسی لەوەکرد، کە لە مێژووەوە کۆمەڵکوژی، فەرمان و تاڵانکاری بەرامبەر گەلی کورد کراوە و ئەمەش ئیدانە دەکات. عەلی وتی: "لە مێژوودا بەردەوام هێرش کراوەتە سەر کوردان و هەوڵی لەناوبردنیان داوە، بەڵام بە هاتنی ڕێبەردا، ڕێگای خۆمان و مێژوومان و شوناسمان دۆزیوەتەوە."

"ئاڵۆزییەکانی ڕۆژهەڵاتی ناوەڕاست بە بیرۆکەی ڕێبەر ئاپۆ چارەسەر دەکرێن"

بریندار عەلی ڕایگەیاند، هەموو کێشەکانی ڕۆژهەڵاتی ناوەڕاست بە ڕێبەر ئاپۆ چارەسەر دەکرێن و لە درێژەی قسەکانیدا وتی: "ئێمە ڕێبازی ڕێبەرایەتیمان و هێڵی شەهیدان دەگرینەبەر. ڕێبەرایەتیمان ڕایگەیاندووە، هەموو کێشەکان بە ڕێگەی دیالۆگ چارەسەر دەکەین. ئێمە عاشقی مردن نین، بەڵکو فاشیزمی دەوڵەتی تورک دەیەوێت لەناومان ببات، بەڵام ئێمە فاشیزم دەشکێنین و سەردەکەوین."

'بە شەو و ڕۆژ لە لەگۆڕەپانەکانداین'

هەروەها جیهان بۆزان یەکێکی دیکە لەو کەسانەیە و دەڵێت؛ ئەوان هەتا کۆتایی بە هێزی خۆیان پشت دەبەستن و وتی: "ئێمە بە بیرۆکەی ڕێبەر ئاپۆ بەرخۆدان دەکەین و بە هەموو شێوەیەک و شەو و ڕۆژ لە سەر پێ دەبین لەگۆڕەپانەکاندا و لەو باوەڕەداین چارەسەری هەموو کێشەکان لە ئیمرالیە، ئێمە بەپێی هێڵی نەتەوەی دیمۆکراتیک مامەڵە لەگەڵ هەموو کێشەکان دەکەین و لەگەڵ هەموو نەتەوەکانمان، ئەرمەن، عەرەب، سەردەکەوین و بۆ پاراستنی خاکەکەمان دەست بەسەفەربەری دەکەین، لەو باوەڕەداین بە هێزی خۆمانەوە سەردەکەوین."