ئیدارەی خۆبەڕێوەبەریی دیموکراتیکی باکور و ڕۆژهەڵاتی سوریا لە بەیاننامەیەکدا بەبۆنەی ١٢هەمین ساڵوەگەڕی شۆڕشی ١٩ی تەمموزی ڕۆژئاوا جەختی لەوە کردەوە کە پڕۆژەی دیموکراتیک بەرەو سەرکەوتن دەبەین.
ئیدارەی خۆبەڕێوەبەری لە بەیاننامەیەکی نووسراودا شۆڕشی ١٩ی تەمموزی لە گەلانی ناوچەکە پیرۆز کرد و بەڕێزدارییەوە شەهیدانی شۆڕشی یاد کردەوە.
ئیدارەی خۆبەڕێوەبەری باکور و ڕۆژهەڵاتی سوریا جەختی لەوە کردەوە کە گەلانی ناوچەکە بە یەکڕیزی و شۆڕشی ئازاد سوریایەکی دیموکراتیک بنیات دەنێن و خاکە داگیرکراوەکان لە چنگی داگیرکەران ئازاد دەکەن و گەڕانەوەی شکۆمەندانە بۆ کۆچبەران دابین دەکەن و هەروەها تیرۆر لەناو دەبەن و پڕۆژەی دیموکراتیک سەردەخەن.
هەروەها لە بەیاننامەکەدا داوا لە هێزە نیشتمانییەکانی سوریاش کراوە کە بۆ بنیاتنانی سوریایەکی دیموکراتیک و بەبێ ناوەندی لەگەڵ گەلانی سوریا یەکبگرن.
