سوپای تورک گوندەکانی عەین عیسای تۆپباران کرد
سوپای داگیرکەری تورک، گوندەکانی دەوروبەری عەین عیسای تۆپباران کرد و بە بەردەوامیش فڕۆکەی بێ فڕۆکەوان بەسەر ئاسمانی هەرێمەکە دەسوڕێتەوە.
دەوڵەتی داگیرکەری تورک لە کاتژمێر ٠١:٤٠ی ئەمڕۆ، گوندەکانی خالیدییە و ئستراحە سەگر ٣ کیلۆمەتر دووری عەین عیسا تۆپباران کرد.
لەگەڵ بەردەوامی بۆردوومانەکان، فڕۆکەی بێ فڕۆکەوان بێ وەستان بەسەر ئاسمانی هەرێمەکە دەسوڕێنەوە.
ب.ش
