قەسەدە لەبارەی هێرشی داگیرکەرانەوە لێدوانێکی بڵاو کردەوە
هێزەکانی سوریای دیمۆکراتیک-قەسەدە رایگەیاند، هێرشەکانی سوپای تورک و چەتەکانی دەوڵەتی تورک لە رۆژئاوای کوردستان بەردەوامن.
هێزەکانی سوریای دیمۆکراتیک-قەسەدە رایگەیاند، هێرشەکانی سوپای تورک و چەتەکانی دەوڵەتی تورک لە رۆژئاوای کوردستان بەردەوامن.
لە لێدوانەکەی قەسەدەدا هاتووە:
"سوپای داگیرکەری تورک و گروپە چەتەکانی لە چەندین ناوچەی رۆژئاوای کوردستان بەردەوامن لە جموجوڵ و هەوڵی داگیرکەری و لە چەندین ناوچەش هێرشیان ئەنجامداوە.
سەرێکانی
سوپای داگیرکەری تورک بە چەکی قوڕس، هێرشی گوندی تل محمد-ی سەر بە تل تەمر و گوندەکانی باب ئەل-خێر و مشرەفای سەر بە زرگانییان کردووە. هەروەها چەند ناوچەیەکی مەدەنییان بە هاوەن و ئۆبوس تۆپباران کردووە و لە ئەنجام دا زیانێکی زۆری ماددیی بە موڵک و ماڵی هاوڵاتییان مەدەنی کەوتووە.
عەین عیسا
گروپە چەتەکانی سەر بە سوپای تورکی داگیرکەر، بە چەکی قوڕس گوندەکانی ناوچەی عەین عیسایان تۆپباران کرد و راستەوخۆ ناوچە مەدەنییەکان بە ئامانج گیراون. لە ئەنجامی تۆپبارانکردنی گوندی بیر زنار، هاوڵاتییەکی مەدەنی کە لە ناو وەزییەکانیدا خەریکی کاری رۆژایەی بووە، بریندار بوو."
ز.ش