لە عەفرین و عەزاز ٥ سەرباز و چەتەی تورکیا کوژران
هێزەکانى رزگاریى عەفرین لە عەفرین و عەزاز گورزیان لە هیزەکانى دەوڵەتى تورکی داگیرکەر دا. بەلانیکەمەوە لەو گورزانەدا ٥ داگیرکەر کوژران.
هێزەکانى رزگاریى عەفرین لە عەفرین و عەزاز گورزیان لە هیزەکانى دەوڵەتى تورکی داگیرکەر دا. بەلانیکەمەوە لەو گورزانەدا ٥ داگیرکەر کوژران.
هێزەکانى رزگاریى عەفرین راگەیاندراوێکیان بڵاوکردەوە و رایانگەیاند، چالاکییەکانیان لە دژی سوپاى تورکی داگیرکەر و گروپە چەتەکانیان بەردەوامە.
لە راگەیاندراوەکەدا هاتووە، رۆژی ٩ی کانوونی دووەمی ٢٠١٩ / ٢٠ی بەفرانبار لە عەفرین و عەزاز لە دژی داگیرکەران ٢ چالاکى ئەنجامدران.
لەبارەی ئەو چالاکییانەوە رایانگەیاندووە:
"شەڕڤانەکانمان رۆژی ٩ی کانوونی دووەمی ٢٠١٩ / ٢٠ی بەفرانبار لە گوندی گۆبەلی ناوچەى شەرای عەفرین ئۆتۆمبێلێکى زرێپۆشی سوپاى تورکی داگیرکەریان کردە ئامانج. لەو چالاکییەدا ئۆتۆمبێلەکە بە تەواوی تێکشکێنرا و سەربازێک کوژرا و ٢ سەربازی تریش بریندار بوون.
هەر رۆژی ٩ی کانوونی دووەم دەستەیەکى تر لە شەڕڤانەکانمان لە گوندی کل جبرین لە عەزاز ئۆتۆمبێلیکى چەتەکانى سوپای تورکی داگیرکەریان کردە ئامانج و بە تەواوی تێکیان شکاند. لە ئەنجامى ئەو چالاکییەدا ٤ داگیرکەر کوژران و یەکێکى تریش بریندار بوو.
ناوی چەتە کوژراوەکانى ئەو چالاکییەش بریتین لە: حسێن عەلۆ، یاسر عەمیق، مەروان عەبدولڕەحمان و محەمەد ئەل ئەشقەر".
ر.م