کۆبوونەوەی ساڵانەی بەڕێوەبەرایەتی خۆسەر لە دووهەمین رۆژیدا بەردەوامە
بەڕێوەبەرایەتی خۆسەری باکور و رۆژهەڵاتی سوریا لە دووهەم رۆژیدا بەردەوامە لە کۆبوونەوەی ساڵانەی خۆیدا.
بەڕێوەبەرایەتی خۆسەری باکور و رۆژهەڵاتی سوریا لە دووهەم رۆژیدا بەردەوامە لە کۆبوونەوەی ساڵانەی خۆیدا.
کۆبوونەوەکە دوێنێ لە ناوەندی چاند و هونەری شاری رەقا دەستی پێکرد و تێیدا کاروباری ساڵی ٢٠١٩ی حەوت بەڕێوەبەرایەتی سەر بە بەڕێوەبەرایەتی خۆسەری باکور و رۆژهەڵاتی سوریا گۆتۆبێژ کران. ئیلهام ئەحمەد هاوسەرۆکی ئەنجومەنی سوریا دیمۆکراتیک و ئەندامانی دەستەی بەڕێوەبەری باکور و رۆژهەڵاتی سوریا و نوێنەرانی بەڕێوەبەرایەتی خۆسەری بەشداری کۆبوونەوەکە بوون.
کۆبوونەوەکە دوور لە چاوی دەزگاکانی راگەیاندن بەڕێوە دەچێت و بە پێی زانیارییەکان لەو کۆبوونەوەیەدا بڕیارە پرۆژە و پلانەکانی بەڕێوەبەرایەتی خۆسەر بۆ ساڵی ٢٠٢٠ دەستنیشان و گۆتوبێژ بکرێن.
لە یەکەمین رۆژی کۆبوونەوەکەدا رووداو و بارودۆخی ساڵی رابردووی ناوچەکە گۆتۆبێژی لەبارەوە کرا. لەم چوارچێوەیەدا ئەو دەستکەوتانەی بەدەست هاتوون، ئەو کاروچالاکییانەی ئەنجام دراون و رێنوێنییەکان بۆ چارەسەری قەیرانی سوریا، گۆتۆبێژ کران.
ئامادەبووانی کۆبوونەوەکە جەختیان لەوە کردووەتەوە، گرنگییەکی بدرێت بە خزمەتگوزارییەکانی بواری پەرەوەدە و کەلتوری و تەندروستی.
ز.ش