لە مەراسیمی یادکرنەوەی سری سورەیا ئۆندەر کە لە لایەن کۆمەڵەی بنەماڵەی شەهیدان (کۆماو)ەوە لە ناوەندی کۆمەڵگەی کوردی دیموکراتیک ئەنجامدار، کەسوکاری شەهیدان، ئەندامانی ئەنجوومەنی گەلی جنێڤ و نوێنەرانی کۆماو ئامادەبوون.

مەراسیمەکە بە خولەکێک وەستان بۆ گیانی شەهیدان و سری سورەیا ئۆندەر دەستیپێکرد، دواتر لەسەر ناوی دەستپێشخەری ژنانی سەما یوجە سونگوڵ ئاسلان قسەکرا و تێیدا دەستنیشان کرا ئۆندەر بۆ ئافراندنی ئاشتی هەوڵێکی مەزنی دا و مێراتێک لە تێکۆشانی لە دوای خۆیەوە جێهێشت.

دواتر وتەبێژی کۆماوی سویسرا، ئیبراهیم یوکسەل سەرنجی خستەسەر هەوڵەکانی ئۆندەر لە پێناو ئاشتییدا. هەروەها ئاماژەی بە کۆنگرەی ١٢ـەمینی پەکەکە کرد و جەختیکردەوە لەوەی هەنگاوێکە بۆ ئاشتی لە ناوچەکەدا.

لە کۆتاییدا سینەڤیزیۆنێک لەسەر تێکۆشانی ئۆندەر نیشاندرا و مەراسیمەکە بە گوتنەوەی "بژی سەرۆک ئاپۆ" و "ژن، ژیان، ئازادی" کۆتای هات.