یەکێتیی هێزی دیموکراتیکی ئەوروپا (ADGB) سەبارەت بە هێرشە داگیرکارییەکانی دەوڵەتی تورک بەیاننامەیەکی نووسراوی بڵاوکردەوە. و ئاماژەی بەوەکردووە، "دوای هەڵبژاردنە ناوخۆییەکان، جموجۆڵی داگیرکاری لە باشووری کوردستان بە ئاگردانی دارستانەکان دەستیپێکرد. دەسەڵاتداری ئاکەپە-مەهەپە هەوڵدەدات بە هەڵگیرساندنی شەڕ لەسەر بنەمای فاشیزم شکستەکانی لە هەڵبژاردنە ناوخۆییەکان لەپێش چاوی گەل بشارێتەوە، لەسەر ئەم بنەمایە، جگە لە دەم پارتی، کۆبوونەوەی لەگەڵ پارتە ئۆپۆزسیۆنەکان ئەنجام دەدا و زەمینەی سیاسی ناوخۆیی بۆ کردەوە داگیرکەرییەکانی ئامادە دەکات.

لە بەیاننامەکەدا ئاماژە بەوەشکراوە، "لە چەند هەفتەی ڕابردوودا پەیام و هەوڵەکانی وتەبێژی سەرەکی ڕژێمی فاشیستی ئاکەپە بۆ ئەنجامدانی دانیشتن و ڕێککەوتن لەگەڵ ئەسەد سەرۆک کۆماری سوریا، نیشاندەری ئەوەیە کە هەوڵە داگیرکارییەکانی لە چوارچێوەیەکی دەمدرێژ و بەردەوامدا ئامادە کردووە."

ADGB هەروەها ڕایگەیاندووە کە دەوڵەتی تورک بۆ داگیرکردنی ڕۆژئاوا مۆڵەتی لە ڕووسیا وەرگرتووە و بۆ داگیرکردنی باشووری کوردستانیش مۆڵەتی لە ناتۆ وەرگرتووە و دەڵێت: "ئێمە وەک شۆڕشگێڕ و سۆسیالیستەکان، کۆمۆنیست و وڵاتپارێزان ئەرکی سەرەکیمان ئەوەیە لە دژی هێرشەداگیرکارییەکان، هەوڵی لەناو بردنی تەڤگەری ئازادیی کوردستان هەڵوێستی خۆمان نیشان بدەین و لە بەرامبەر حکومەتی فاشیستی ئاکەپە-مەهەپە سەرهەڵدان بکەین."

ADGB لە کۆتایی بەییانامەکەیدا داوای بەپەلەی کشانەوەی سوپای تورکیای لە باشووری کوردستان کرد و وتی: "٣٣ گەنجی شۆڕشگێڕ بە ئامانجی پاراستنی گەلی کۆبانێ لە بەرامبەر هێرشی چەتەکانی داعش بە ڕۆحی یەکێتیەوە گیانی خۆیان کردە قەڵغان. جارێکی تر ئەو ڕۆحیەتە بە بیر دێنینەوە و جەخت لەسەر گرنگی هاودەنگی و یەکێتی، دژی پیلانەکانی داگیرکاریی و کۆمەڵکوژی دژی گەلی کورد دەکەینەوە. پێویستە پێکەوە دژی ئیمپریالیزم و فاشیزم و کۆنەپەرەستی تێبکۆشین و یەکڕیزی گەلەکەمان پتەوتر بکەین. با بە ئیرادە و بوێرەوە ئەرک و  بەرپرسیاریەتەکانمان بەڕێوە ببەین.