دوای کۆنتڕۆڵکردنی ئەفغانستان لەلایەن بزوتنەوەی تالیبانەوە، کۆچی خەڵکی ئەفغانستان بەرەو وڵاتانی رۆژئاوا دەستیپێکرد. بولغارستانیش بۆ ئەوەی رێگری لە پەنابەرە ئەفغانیەکان بکات، لەنێوان سنوری خۆی و تورکیا و یوناندا ٤٠٠ بۆ ٧٠٠ سەربازی دیکە جێگیر دەکات.

جۆرجی پانایۆیوڤ وەزیری بەرگری بولغاریا وتی، "فشارێک زۆر لەسەر سنوری وڵاتەکەی دروست بووە. سەربازان ئەرکی پاراستنی سنور جێبەجێ دەکەن و جەندرمە لەسەر سنور هاوکاری سەربازان دەکەن. ئەم بریارە لەدوای زیادبوونی شەپولی پەنابەری دەرچووە."

بولغاریا کە سنوری تێپەڕبونی پەنابەرانە بۆ ئەوروپا، لەنێوان ساڵانی ٢٠١٣ و ٢٠١٨دا بە درێژایی ٢٥٩ کیلۆمەتر سنورەکەی لەگەڵ تورکیا تەلبەند کرد.

بولغاریا کە هەژارترین وڵاتی یەکێتی ئەوروپایە، تاوەکو ئێستا هیچ پەنابەرێکی لە وڵاتەکەی قبوڵ نەکردووە.

ف.ق