کۆن-مەد داوای لە کوردستانیان و دۆستانیان کرد، لە چالاکییەکان بە دروشمی 'قەوارە بۆ کورد و ئازادی بۆ ڕێبەری گەلی کورد' بەشداری بکەن، کە بڕیارە ڕۆژی ٢ی ئەیلول لە زۆرێک لە شارەکانی ئەڵمانیا بەڕێوەبچێت.
کۆن-مەد، کە یەکێک لە گەورەترین ڕێکخراوە چەترئاساکانی کوردە لە ئەڵمانیا لە ڕاگەیەندراوێکدا بڵاویکردەوە، لە ١٠٠ەمین ساڵەی پەیمانی لۆزاندا بە دروشمی 'قەوارە بۆ کورد' و 'ئازادی بۆ ڕێبەری گەلی کورد، عەبدوڵا ئۆجالان' ڕۆژی ٢ی ئەیلول لە زۆرێک لە شارەکانی ئەڵمانیا ڕێپێوان و چالاکی ئەنجام دەدەین.
کۆن-مەد ھەروەھا داوای بەشداری لە چالاکییەکان کردووە و ڕایگەیاندووە، "دوای گۆشەگیرکردنی ڕێبەر ئاپۆ، هێرشە داگیرکارییەکان بۆ سەر کوردستان زۆرتر بووە. ڕێکخراو و دەوڵەتانی نێونەتەوەی پەیوەندیداریش بێدەنگن لە بەرامبەر ئەم هێرش و تاوانانە کە دژی مرۆڤایەتی و بە نایاسایی ئەنجام دەدرێن. وەک گەلی کورد لە دژی ئەم بێدەنگییە ڕوو لە گۆڕەپانەکان دەکەین، تێکۆشانمان بۆ قەوارەی کوردستان و ئازادی جەستەیی ڕێبەر ئاپۆ بەگوڕتر دەکەین".
بەگوێرەی ڕاگەیەندراوەکە، بەرنامەی چالاکییەکانی ڕۆژی ٢ی ئەیلول بەم جۆرەیە:
دوسێلدۆرف: لەبەردەم دی جی بی هاوس
کات: کاتژمێر ١٣:٠٠
بەرلین: Breitscheidplatz
کات: کاتژمێر ١٦:٠٠
هامبۆرگ: لەبەردەم Hauptbahnhof
کات: کاتژمێر ١٥:٠٠
ژ.ن
