لە ماوەی شەش مانگدا ٣٣ هەزار و ٣٦٠ کەس لە غەززە مردوون
بە گوێرەی وەزارەتی تەندروستی حەماس لە ٧ی تشرینی یەکەمی ٢٠٢٣ەوە تا ئێستا لە دەرنجامی هێرشەکانی ئیسرائیل بۆ سەر کەرتی غەززە ٣٣ هەزار و ٣٦٠ کەس مردوون.
وەزارەتی تەندروستی حەماس ڕایگەیاند کە لە ٧ی تشرینی یەکەمی ٢٠٢٣ەوە شەڕ دەستیپێکردوە، تا ئێستا ژمارەی کوژراوان گەیشتووەتە ٣٣ هەزار و ٣٦٠ کەس.
هەروەها وەزارەت ئەوەیشی ئاشکراکردوە کە لە ماوەی ٢٤ کاتژمێری دوایدا بە لایەنی کەمەوە ١٥٣ کەس مردوون، هەروەها لە سەرەتای شەڕەکەوە ٧٥ هەزار و ٩٩٣ کەس برینداربوون.
