ئەندامی کۆمیتەی گەنجانی پەکەکە و ئەندامی کۆردیناسیۆنی کۆمەڵانی ژنانی گەنج بشەنگ بروسک و ئەندامی بەڕێوەبەری کۆمەڵانی ژنانی گەنج سارا هۆگر کە لە ٢٨ی تەمووزی ٢٠٢٣دا شەهیدبوون، بە مەراسیمێک لە شاری ساربروکێنی ئەڵمانیا یادیان کرایەوە.

مەراسیمەکە لەلایەن تەژەکە-ئە سارلاند و کۆمناو سازکرا و وێڕای خزم و کەسوکاری شەهید سارا هۆگر نوێنەرانی بنەماڵەی شەهیدان و ژمارەیەکی زۆر لە کوردستانیان ئامادەبوون.

چالاکی یادکرندەوەکە لە ناوەندی کۆمەڵەی دیموکراتیکی ساربروکێن بەڕێوەچوو، تیایدا بەڵێنی وەفاداری بۆ یادی شەهیدان راگەیەندرا.

لە یادکردنەوەکەدا سینەڤیزیۆنێک نمایش کرا و یادەکە بە وتنەوەی دروشمی 'شەهید نامرن' کۆتایی هات.

هـ . ب