بە پێشەنگایەتی کرێکاران، کوردستانیان لە شاری تۆرنتۆی کەندا، چالاکی پیرۆزبایی ١ی ئایار ڕۆژی جیهانی کرێکارانیان ئەنجامدا.

لە چالاکیەکدا کە پارت و ڕێکخستنەکانی هەر چوار بەشی کوردستان تێیدا بەشداربوون، بە دروشمی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" ڕێپیوانیان ئەنجامدا و پەیامی ئەوەدرا کە چارەسەری هەموو پرسەکانی رۆژهەڵاتی ناوەڕاست بە چارەسەری سیستەمی کۆنفیدراڵیزم کۆتاییان دێت.

ڕێپێوانەکە لە لایەن چەندین سەندیکا و ڕێکخستنی کۆچبەرانەوە پێکهێنرا. ڕێپیوانی ئەمساڵی ١ی ئایار کە کوردستانیان و فەلەستینییەکان پێشەنگایەتییان دەکرد، لە مەیدانی ناتهان فلیپسی تۆرۆنتۆی دەسیپێکرد. لە ڕێپێوانەکەدا سەرنج خرایە سەر ڕەوشی شەڕ لە کوردستان، فەڵەستین و ئۆکرانیا.

هەرەوەها کوردستانیان جگە لە ڕۆژەڤی سەرەکی، سەرەنجییان خستە سەر گۆشەگیری لەسەر ڕێبەری گەلی کورد عەبدوڵا ئۆجالان و هێرشەکانی دەوڵەتی داگیرکەری تورک لەسەر کوردستان.