لە شاری میونخی ئەڵمانیا، پرسەیەک بۆ گەریلا ئارگەش کۆچەر (ئەحمەد تانەر) بەڕێوەچوو، کە ڕۆژی ١٧ی حوزەیرانی ٢٠٢٣، کاتێک لە بۆتان لەسەر ئەرکەکەی بوو و ویستبووی لە ڕووباری دیجلە بپەڕێتەوە، ئاوەکە بردبووی و شەهید بوو.

بە پێشەنگایەتی بزوتنەوەی گەنجانی شۆڕشگێڕ (تەجەشە) و ئەنجومەنی بنەماڵەی شەهیدان و بێسەروشوێنکراوان (کۆماو)، مەراسیمێکی پرسە و سەرەخۆشی بۆ گەریلا ئارگەش کۆچەر بەڕێوەچوو و تێیدا کەسوکاری شەهیدان و بەشێکی زۆر لە کوردستانیان بەشدار بوون.

لە پرسەکەدا گۆشەیەک بە وێنەکانی شەهید ڕازێنرایەوە و مۆم داگیرسێنرا.

دوای خولەکێک ڕێزگرتن، لەسەر ناوی کۆماو وتارێک پێشکەش کرا و سەرەخۆشی ئاراستەی خانەوادەی شەهید کرا. پاشان، بەڵگەفیلمێک لە وێنە و دیمەنەکانی شەهید نمایشکرا.

لای خۆیەوە مەعروف کول، هاوسەرۆکی فەد-گەل، ڕایگەیاند، بزوتنەوەی ئازادیی کورد، پارتێکی شەهیدانە و جارێکی دیکە یادی شەهیدانمان دەکەینەوە و بەڵێنیان پێدەدەین درێژە بە میراتی تێکۆشانیان بدەین".

خوشکی ئارگەش کۆچەریش وتی: "شانازی بە برا شەهیدەکەمانەوە دەکەین، سەرمان بەرزە، هەرچەندە خەمگینین، بەڵام شانازی بە شەهیدەکەمانەوە دەکەین، سەرەخۆشی ئاراستەی گەلی کوردستان دەکەین".

هاوکات نوێنەری دەستپێشخەریی گەنجانیش وتی، "پێویستە ئێمەی گەلی کورد و بەتایبەت گەنجانی کورد بۆ هەموو جۆرە تێکۆشان لە پێناو ئازادی ئامادە بین و تێکۆشان لە هەموو گۆڕەپانەکان گەشتر بکەین".

لە مەراسیمەکەدا دروشمی "شەهید نامرن" وترایەوە.

ژ.ن