لە شاری هێلسینکی پایتەختی فینلەندا بە ئاهەنگێک ساڵوەگەڕی دامەزاندی پەکەکە لە ناوەندی کۆمەڵگەی دیموکراتیکی کورد پیرۆز کرا، سەرەتایی ئاهەنگەکە بە خولەکێک بۆ یادی شەهیدانی ڕزگاری کوردستان دەستیپێکرد.

دواتر پارت و ڕێکخراوە کوردستانی و فینلەندییەکان پەیامی پیرۆزبایی دامەزراندی پەکەکەیان خوێندەوە.

لە ئاهەنگەکەدا دەربارەی گرنگی و کاریگەری ڕۆژی دامەزارندی پەکەکە، میرهەم یایگیت قسەیکرد و ئاماژەی بەوەدا بە دامەزراندی پەکەکە گەلی کورد سەرلەنوێ ژیایەوە.

دواتر ئەردەلان ئەبدۆی شاعیر چەندی هەڵبەستێکی شۆڕشگێڕانەی لەسەر تێکۆشانی پەکەکە بۆ ئامادەبووان خوێندەوە.

پیرۆزباییەکە بە گۆرانی و مۆسیقاکانی هونەرمەندان ئەحمەد دڵشێر و هۆزان جۆمرەد تا درەنگای شەو بە گێڕانی هەڵپەڕکێی کوردییەوە بەردەوام بوو.