به‌پێی راگه‌یه‌ندراوێكی فەرماندەیی ناوەندی سەربازیی ئەمریکا لە رۆژهەڵاتی ناوین (سێنتکۆم) کە لە پلاتفۆرمی "X"  بڵاویکردۆتەوە دەلێت: "هێزه‌كانانیان هێرشێکی کردووه‌تە سه‌ر حوسییەکان و سه‌كۆیه‌كی موشه‌كیان له‌ناوبردووه‌ كه‌ بۆ هه‌ڵدانی موشه‌ك ئاماده‌كرابوو".

راگه‌یه‌ندراوه‌كه‌ (سێنتکۆم) ئاماژه‌ی بۆئه‌وه‌شكردووه‌:"حوسییه‌كانی یه‌مه‌ن ئاماده‌كارییان ده‌كرد بۆ ئه‌وه‌ی هێرشبكه‌نه‌ سه‌ر  کەشتییە بازرگانییەکان له‌ ده‌ریای سوردا، هه‌ربۆیه‌ هێزەکانی ئەمریکا بۆ بەرگریکردن لە خۆیان شوێنی هه‌ڵدانی موشەکەکەیان لەناوبردووه‌".

لە ڕاگەیاندراوەکە ئەوەش هاتووە:"ئه‌و هێرشه‌ ئازادیی كه‌شتیوانیی دەپارێزێت و ئاوە نێودەوڵەتییەکان سەلامەتتر و پارێزراوتر دەبن بۆ کەشتییەکانی هێزی دەریایی ئەمریکا و کەشتییە بازرگانییەکان".

جێگای ئاماژەیە، ئه‌م هێرشەی ئەمریکا بۆسەر حوسییەکان له‌كاتێكدایه‌ کە چه‌كداره‌ حوسییەکانی یەمەن دوێنێ رایانگه‌یاند، کەشتییەکی نەوتی بریتانیایان لە کەنداوی عەدەن كردووه‌ته‌وه‌ ئامانج.