ڕۆژنامەی نیۆیۆرک تایمزی ئەمریکی لە هەواڵێکدا ئاشکرای کردووە کە دەوڵەتی ئەمریکا لەدژی حوسییەکان یەمەن کە سود لە پالپشتی ئێران وەر دەگرن، یەکێکی هێزی تایبەتی خۆی کە پێک هاتووە لە سەرباز و یاری دەدەری سەربازی ڕەوانەی عەرەبستان-ی سەعوودی کردووە.

ئەو ڕۆژنامە ڕایگەیاندووە کە ئەو هێزە تایبەتە بەشداری ڕاستەوخۆ لەشەڕدا ناکەن و لەسەر سنووری یەمەن جێگیر کراون.

بە پێی هەواڵی نیۆیۆرک تایمز ئەو هێزە تایبەتە ڕەوانەی عەرەبستان کراوە، کاری ئەوان دۆزینەوەی شوێنی هاویشتنی موشەکەکانی حوسییەکان و لە ناوبردنی بنکە موشەکییەکانە.

بە پێی ئەو هەواڵە ، ئەو هێزە تایبەتە بە ناوی(گرین بەرەتس) لە مانگی کانون/ڕێبەندان  ڕەوانەی سەعوودیە کراوەن و لە سەر خاکی عەرەبستای سەعوودی ماونەتەوە، و دەربازی ناو خاکی یەمەن نەبونە.

دەر بارەی ئەو هەواڵەوە تا ئیستا بەرپرسانی ئەمریکی و پێنتاگۆن هیچ لێدوانێک-یان بڵاو نەکردووەتەوە.