مۆرگان ئۆرتاگۆس وتەبێژی وەزارەتی دەرەوەی ئەمریکا لە ڕاگەیەندراوێکدا ڕوونیکردووەتەوە، ئەمریکا لە عێراق پێویستی بە هاوبەشی ئەمنی، ئابوری و دیبلۆماسیە،چونکە" بەبڕوای واشنتۆن بوونی هێزەکانی لە عێراق بۆ پاراستنی دۆخی ئەمنی ناوچەکە گونجاوە".

لە ڕاگەیەندراوەکەدا ئەوەش هاتووە: لەئێستادا پێویستییەکی زۆر هەیە بۆ ئەنجامدانی گفتوگۆ لەنێوان هەردوو حکومەتی عێراق و ئەمریکا، نەک سەبارەت بە کشانەوەمان، بەڵکو سەبارەت بە هاوپشکی دارایی ئابوری و دیبلۆماسی.

ئەمە لەکاتێکدایە، ئەمڕۆ عادل عەبدولمەهدی سەرۆک وەزیرانی دەستلەکارکێشاوەی عێراق، داوای لە واشنتۆن کردبوو، شاندێک بۆ میکانیزمەکانی کشانەوەی هێزەکانیان ڕەوانەی عێراق بکەن.

ب.ش