پلاتفۆڕمی خاوه‌نداریكردنی عه‌فرین له‌ ئه‌ورووپا، هه‌وڵه‌كانی خستبووه‌گه‌ڕ بۆ ئه‌وه‌ی هێزه‌نێونه‌ته‌وه‌ییه‌كان له‌ دژی هێرشه‌كانی سه‌ر عه‌فرین هه‌وڵه‌كانیان به‌ده‌نگ بێنێت.

كه‌مپینی نێونه‌ته‌وه‌یی بۆ عه‌فرین، له‌ لایه‌ن ئه‌كادیمیست، نووسه‌ر، نوێنه‌رانی ڕێكخراوه‌كانی كۆمه‌ڵگه‌ی سیڤیل، سیاسه‌تمه‌دار، په‌رله‌مانتاره‌ناسراوه‌كانی جیهان و دۆستانی كورد ڕاگه‌یه‌ندرا. له‌و چوارچێوه‌یه‌دا كۆردیناسیۆنێكی نێونه‌ته‌وه‌یی دروستكرا و بڕیاردار ڕۆژی ٢٤ی مارس\٤ی ئادار له‌ سه‌رانسه‌ری جیهان ڕێپێوانی ئیدانه‌كردنی هێرشه‌كانی توركیا ساز بكرێن. كه‌مپینه‌كه‌ هه‌تا داگیركاریی سه‌ر عه‌فرین كۆتایی دێت به‌رده‌وام ده‌بێت و سیمینار، كۆنفڕانس و چالاكیی جۆراوجۆر له‌ هه‌موو شوێنێك ساز ده‌كات.

١٩ی مارس\٢٨ی ڕه‌شه‌ممه‌ مان ده‌گرن له‌ خواردن

پلاتفۆڕمی خاوه‌نداریكردنی عه‌فرین له‌ ئه‌ورووپا ڕایگه‌یاند كه‌ ١٩ی مارس\٢٨ی ڕه‌شه‌ممه‌ له‌ به‌رده‌م بینای نه‌ته‌وه‌یه‌كگرتووه‌كان له‌ جنێڤ چالاكیی مانگرتن له‌ خواردن ئه‌نجام ده‌ده‌ن. ژماره‌یه‌كی زۆر په‌رله‌مانتار، شاره‌دار و ڕۆشنبیر به‌شداری چالاكییه‌كه‌ ده‌كه‌ن.

هه‌روه‌ها له‌ ١٩- ٢٩ی مارس له‌ بڕوكسل و زۆرێك له‌ پایته‌خته‌كانی ئه‌ورووپا چالاكی ساز ده‌كرێن.

داواكارییه‌كانی پلاتفۆڕمه‌كه‌

چه‌ند ڕۆژ به‌ر له‌ ئێستا پلاتفۆڕمه‌كه‌ ڕاگه‌یه‌ندراوێكی بڵاوكرده‌وه‌ و و ده‌ستنیشانی كرد:

- نه‌ته‌وه‌یه‌كگرتووه‌كان پێویسته‌ به‌په‌له‌ كۆببێته‌وه و بۆ پابه‌ندكردنی توركیا به‌ بڕیاری ئاگربه‌ست له‌ سووریا، بڕیاری كرده‌یی بدات و میكانیزمه‌كانی جێبه‌جێكردنی بڕیاریش جێبه‌جێ بكات.

- ئه‌م داگیركارییه‌ی ده‌وڵه‌تی توركیا به‌پێی قانوون و پره‌نسیپه‌كان تاوانه‌. له‌به‌رئه‌وه‌ پێویسته‌ له‌ ڕووی دیبلۆماسی، ئابووری و سه‌ربازی `ئابڵوقه‌ به‌سه‌ر توركیادا بسه‌پێنرێت.

- بۆ ئه‌وه‌ی جارێكی دیكه‌ هێرشی داگیركاریی نه‌كرێت، ڕێ له‌ جینۆساید بگیرێت و له‌ هه‌رێمه‌كه‌ ئارامی و ئاسایش به‌رقه‌رار بێت، سه‌رانسه‌ری سنووری باكووری سووریا وه‌ك «هه‌رێمی دژه‌فڕین» ده‌ستنیشان بكرێت.

- بۆ ئه‌وه‌ی ڕێ له‌ كوشتنی منداڵ، به‌ساڵاچوو، ژن و مرۆڤه‌نه‌خۆشه‌كان بگیرێت، هه‌موو ڕێكخراوه‌نێونه‌ته‌وه‌ییه‌كان هاریكاریی مرۆیی و ته‌ندروستی پێشكه‌شی عه‌فرین بكه‌ن.

- عه‌فرین له‌ ماوه‌ی ٧ ساڵی شه‌ڕی سووریادا، هه‌رێمی هه‌ره‌ئارام و دیموكراتییه‌. پێویسته‌ توركیا به‌هۆی هێرشه‌كانی، به‌هۆی كوشتنی ژن و منداڵ، به‌هۆی كۆمه‌ڵكوژكردنی هاوڵاتیانی سیڤیل له‌ دادگه‌ی نێونه‌ته‌وه‌یی سزا بدرێت. ئێمه‌ داوا له‌ ڕای گشتیی دیموكرات، یه‌كێتیی ئه‌ورووپا، نه‌ته‌وه‌یه‌كگرتووه‌كان و هه‌موو ڕێكخراوه‌نێونه‌ته‌وه‌ییه‌كان ده‌كه‌ین به‌ ئه‌رك و به‌رپرسیاره‌تیی خۆیان هه‌ستن.

s.m

ئه‌و كه‌سایه‌تییانه‌ی پشتگیریی كه‌مپینه‌كه‌ ده‌كه‌ن: