ئەندریزش دودا، سەرۆک کۆماری پۆڵۆنیا ڕایگەیاند: پۆڵۆنیای ئێستا كه‌ ئازاد و سەربەخۆیە، لەو كرده‌وانه‌ی پێشتر دژی جوولەکەکان کراون، بەرپرسیار نییه‌. سه‌رۆك كۆمار داوای لێبووردنی له‌و جووله‌كانه‌ و خانه‌واده‌كانیان كرد كه‌ به‌زۆر له‌ پۆڵۆنیا دوورخرابوونه‌وه‌ و ده‌ركرابوون. ناوبراو به‌و جووله‌كانه‌ی گوت: كۆمار، پۆڵۆنییه‌كان و پۆڵۆنیا ببوورن.

ئەم داخوازییه‌ی سه‌رۆك كۆماری پۆڵۆنیا لەکاتێکدایە كه‌ لەنێوان دەوڵەتی ئیسرائیل و پۆڵۆنیادا، ناكۆكی هه‌یه‌ له‌سه‌ر یاسایەک دەربارەی قڕکردنی جولەکەکان.

بەپێی وتەی مێژوونوسان، ساڵی ١٩٦٨ لاوانی نەتەوەپەرستی پارتیی کۆمۆنیستی ده‌سه‌ڵاتدار پێشەنگایه‌تیی «کەمپینی دژه‌جووله‌كه‌»یان كردووه‌. ئەو لاوانه‌ چاویان بڕیبووه‌ شوێنی پله‌به‌رزه‌ به‌ڕه‌گه‌ز جووله‌كه‌كان.

s.m