لە ئەورووپا؛خۆپیشاندان بۆ ئازادی ساڵەح موسلێم ئەنجامدرا
کوردستانیانی ئەورووپا لە دژی دەسبەسەرکردنی هاوسەرۆکی پێشووی پەیەدە، سالیح موسلیم وهێرشەکانی سوپای داگیرکەری تورکیا ڕژانە سەرشەقام.
لە شارەکانی ، لەندەن، ئۆسلۆ، ئستراسبورگ و زۆریخ، بە هەرزاران کوردستانی ودۆستەکانیان لە دژی دەستبەسەرکردنی هاوسەرۆکی پێشووی پەیەدە و هێرشەکانی سوپای تورکیا دەستیان دایە خۆپیشاندان .
لە شارەکانی لەندەن وئۆسلۆ کوردستانیان چوونە بەردەم سەفارەتخانەی وەڵاتی چیک ودەستبەسەر کردنی ساڵەح موسلیمیان شەڕمەزار کرد وداوایان لە وەڵاتی چیک کرد کە نەبێتە داردەستی فاشیزمی ئەردۆغان.
لە شارەکانی زۆریخ-ی سویسرا وئستراسبورگی فەرەنسا-ش کوردستانیان لە دژی دەستگیرکردنی سالح موسلیم و هێرشەکانی سوپای تورکیا وەستانەوە.
