لە شاری پاریسى پایتەختى فەرەنسا زیاتر لە ٥٠ کەسى ئەکادیمی و خوێندکاری زانکۆ لە ناوەندی زانکۆى سۆربۆن لە ئۆدیۆن کۆبوونەوە و پشتیوانیان لە خوێندکارانى زانکۆى بۆغازچى لە تورکیا و عەفرین کرد.

ئەو کەسە ئەکادیمییانە وخوێندکارەکان ڕاگەیاندراوێکی هاوبەش، کە بانگى خوێندکارە کوردەکانى پاریس، ئەکادیمیە ئاشتیخوازەکان، ژمارەیەکى زۆر لە کارمەندانى زانکۆکە، ئینالکۆ، گەنجانی هەدەکە – فرانس، سەندیکای پەروەردەیى سنێپسوس – ئێف ئێس یو و خوێندکارانى زانکۆی ٨ى پاریسی تێدا بوو، بڵاوکردەوە.

هاوکات لەگەڵ راگەیاندراوەکەدا، دوایین زانیارییەکان لەبارەى هێرشى تورکیاى داگیرکەر بۆ سەر عەفرین و ڕووداوەکانى ئەمدواییە لە زانکۆى بۆغازچی بە نووسرا درا بە کەسەکان و میدکاران و دامەزراوەکان.

هەروەها دروشم و پۆستەری "پشتیوانی لە خوێندکارانى بۆغازچی دەکەین" و "بمرێ کۆیلەیەتى و بمرێ داگیرکەری" ، "شیرینى بڵاوکردنەوە بۆ داگیرکارى نابێت" ، "ئێمە لە دژى تۆ و لە دژى شەڕین" ، "ئازادى بۆ خوێندکاران لە تورکیا"، "پشتیوانى لە خوێندکارانى تورکیا دەکەین" بەرزکرابوونەوە.

راگەیاندراوەکە بە زمانەکانى فەرەنسى، کوردی، ئینگلیزى و تورکی ئامادەکرابوو و خوێندرایەوە. خوێندکاران و کەسە ئەکادیمییەکان لە وتەکانیاندا باسیان لەوەکرد، کە خاوەندارى لە عەفرین دەکەن و سەرنجیان خستە سەر وێرانکاری وخاپورکردنەکانى دواى داگیرکردنى عەفرین.

لە ڕاگەیاندراوەکەدا باسى ئەوەشیان کردووە، تاوەکو ئێستا لە تورکیا ٢٦٢ سکاڵا لە دژى ئەو ئەکادیمیانە تۆمارکراون، کە داواى ئاشتیان کردووە و تۆمارکردنى سکاڵا لەلایەن دەوڵەتى تورکیاوە لە دژى ئاشتیخوازان بەردەوامە و ئێستاش ئۆنور هەمزە ئۆغڵو هاووتەبێژى هەدەکە لە زیندانى تورکیادایە.

ئەو خوێندکار و ئەکادیمییانە، کە ڕاگەیاندراوەکەیان واژۆکردووە برتین لە:

تونا ئاڵتنەل لە زانکۆى لیۆنى یەک

چاگلا ئاکاچ زانکۆی جنێڤ

ئەتەنەن بالبار زانکۆى پاریس – نانتەر

کلود کلام EHESS

سابین دلزیسکۆ سەرۆکى پێشووى زانکۆى دۆلفین

سەلیم ئەسکیزمرلەر سەرۆکى پێشووى زانکۆى دیترۆى پاریس

ئیریک فاس زانکۆى ٨ى پاریس

دەریا فرات زانکۆی پاریس – نانتەر

ئیزابێل ساینت سێن

ئەنگین سوستام زانکۆى ٨ی پاریس

محەمەد تونجەل زانکۆى نانت

 

پشتیوانانی راگەیاندراوەکە

 

هێرڤى کرییستۆفۆل سەرۆکى گشتیى سەندیکاى پەروەردەیى (Snepsup-FSU)

رەشید چەلیک (گەنجانى هەدەکە – فرانس ، ئینالکۆ)

نوریە بایندەر خوێندکارى پێشووى زانکۆى بۆغازچی

عیرفان دایۆغڵو خوێندکارى پێشووى زانکۆى بۆغازچی

 

ر.م