لە کوریای باشوردا بەهۆی ئاگرەوە زیاتر لە ١٠٠ كەس بوونە قوربانی
لە كۆریای باشور ئاگر لە نەخۆشخانەیەك كەوتەوە و بەهۆیەوە نزیكەی ٣٧ هاوڵاتی گیانیان لەدەستدا و زیاتر لە ٧٠ هاوڵاتی دیكەش بریندار بوون.
ئاژانسی هەواڵی یۆنهای كۆریای باشور بڵاوی كردەوە، كە سەرلە بەیانی ئەمڕۆ كاتژمێر ٠٧:٣٠، لە نەخۆشخانیەكی ناوچەی میریانگ لە كۆریای باشور ئاگر كەوتووەتەوە.
بەپێی ئاژانسەكە، لە ڕووداوەكەدا نزیكەی ٣٧ كەس گیانیان لەدەستداوە و زیاتر لە ٧٠ كەسیش بریندار بوون، ئەوەش بە یەكێك لە كارەساتە گەورەكانی ١٠ ساڵی ڕابردووی كۆریای باشور دادەنرێت.
