لە پاریس-ی پایتەختی فەرەنسا پۆلیس هێرشی کردە سەر ئەو خۆپیشاندەرانە، کە بۆ شەرمەزارکردنی هێرشەکانی سوپای تورکیا بۆ سەرعەفرین لەبەردەم کۆنسوڵخانەی ئەمریکادا لە پاریس کۆبووبوونەوە.
پۆلیسی فەرەنسا لەوهێرشەیەدا بۆ سەرخۆپیشاندەران ١٠٠ کەس لە خۆپیشاندەرانى دەستگیرکرد و بەهۆى بەکارهێنانى توندوتیژیشەوە ٧ خۆپیشاندەریشی بریندارکرد.
هێرشی سوپای تورکیای داگیرکەر بۆ سەرعەفرین لە هەر چوار لای ئەوروپا بە چالاکی و خۆپیشاندانی جەماوەری شەرمەزار دەکرێت و کوردستانیان و دۆستەکانیان بە بەردەوامی و ڕۆژانە لە شارە جیاوازەکانى ئەوروپا خۆپیشاندان بۆ شەرمەزارکردنى هێرشەکانى تورکیا بۆ سەرعەفرین ئەنجام دەدەن.
لە پاریس-ی پایتەختی فەرەنسا کوردستانیان بە مەبەستی شەرمەزارکردنی هێرشەکانی سوپای تورکیا بۆ سەرعەفرین، لەبەردەم بینای پەڕلمانی فەرەنسادا کۆبونەوە، کە پۆلیسى هێرشى کردە سەریان و ژمارێکی زۆر لە خۆپیشاندەرانیان دەستگیرکرد.
کوردستانیان دوای ئەوەی لە بەردەم بیناى پەرلەمانى فەرەنسادا هێرشیانکرایە سەر، بەرەو کۆنسوڵخانەی ئەمریکا بەڕێکەوتن و لە بەردەم بیناى کۆنسوڵخانەکەدا کۆبوونەوە.
هێزەکانی پۆلیسی فەرەنسا لەوێش هێرشی کەردە سەر خۆپیشاندەران و١٠٠ خۆپیشاندەری دەستگیرکرد.
بە هۆی هێرش و توندوتیژیى پۆلیسەوە بۆسەر خۆپیشاندەران، ٧ خۆپیشاندەر بریندار بوو و رەوانەى نەخۆشخانە کراون.
ر.م
