١٤٥ ئاوارۍ تەرۍ گېڵێوە شەنگال
گېڵایۊ شەنگالیەکا جە کەمپەکاوە پۍ ماواو ۋېشا بەردەواما. ئەرەیاۋیا کە ١٤٥ ئاوارۍ تەرۍ گېڵېنۍ پۍ سەروو یانەو مەنزڵ و ۋېشا.
وەزارەتوو کۆچ و کۆچبەرا عێراقی سەبارەڎ پا مژارەیە ئەرەیاۋنېوەش وەڵاکەرڎۊ کە چنەشەنە ئامان، جە چوارچێوەو بەرنامەو حکومەتی و وەزارەتەکەیشانە پۍ دمایی ئارڎەی و وستەیرەو دۆسیەو کۆچبەر و ئاوارەکا دلېینەی ئارۊ ١٤٥ کۆچبەرۍ تەرۍ ئێزدیۍ جە کەمپوو بێرسڤی-١ی سەر بە زاخۆیۊ گېڵېنێوە پۍ شەنگالی و دەوروبەریش.
جە ئەرەیاۋناکەینە ئاماژە پانەیچ کریان، کۆچبەر و ئاوارەکۍ کە گېڵاوە پۍ ماواو ۋېشا پەنەوازیە ئەساسیەکاشا پۍ حاسڵ کریا.
وەزارەتەکە هېزیچ بە ئەرەیاونېوە گېڵایۊ ٣٧٥ ئاوارا ئێزدیش جە کەمپوو ئاوارەکا بێرسڤ-١ ی جە زاخۆو پانیشتوو کوردستانیوە پۍ ماواو ۋېشا جە شەنگال ئەرەیاۋنا و ئاماژەش پانەیچ کەرڎەبۍ، ئا کەسۍ بە شێۋېوە ئارەزومەندانە گېڵېنۍ.
