٢ ساڵێ و ٦ مانگێ سزاو زیندانی سەروو سەڵاحەدین دەمیرتاشیرە سەپنیا
بۆنەو قسێوە زوویشۆ، سزاو ٢ ساڵا و ٦ مانگا زیندانی سەروو هامسەرۆکی گردینوو وەڵینوو هەدەپەی سەڵاحەدین دەمیرتاشیرە سەپنیا.
ئەرەنیشتەی پێوەس بە هامسەرۆکی گردینوو پارتی دیموکراتیکوو گەلا (هەدەپە) سەڵاحەدین دەمیرتاش دەربارەو قسەکاش ساڵاو ٢٠١٥-٢٠١٦، لوا ڕاوە.
ئەرەنیشتەیەکەی دادگاو مێرسینینە کریا، دەمیرتاش ڕاو سیستەموو دەنگ و ڕەنگیوە بەشداروو ئەرەنیشتەکەی بێ. هەرپاسە پارێزنەرەکێش جە ئەرەنیشتەیەکەینە ئامادێ بێنێ. دەربارەو ٤ تاوانا، داواو سەپنای سزێ سەروو دەمیرتاشیرە کریا. دماو وەرگێریی دەمیرتاشی و پارێزنەرەکاش، دادگا قەرارش دا. دادگا بە بەهانێ قسەکاو وەڵێش، بەگردیوە ٢ ساڵێ و ٦ مانگێ سزاو زیندانیش سەروو دەمیرتاشیرە سەپنا.
