ئەمیندارو گرڎی رێکوزیاو بەدری ئەرەیاۋناش، ئەرەگیری دەوڵەتو تورکی سەرو خاکو عێراقیۆ قبوڵ نمەکەرا و تا دەوڵەتو تورکی هێزەکاش جە وڵاتەکەشانە نەکیشنۆوە، حیچ عیلاقێوەشا چنیش نمەبۆ.
هادی عامری ئەمیندارو گرڎی ڕێکوزیاو بەدری جە ساڵیاڎو کوشیای ئەبو مونتەزر محەمەداوینە وتارێوەش پێشکەش کەردە.
عامری ئەرەیاۋناش، دەستوور ڕا بە دەوڵەتو تورکی نمەڎۆ هیچ هێزێوەش سەرو خاکو وڵاتەکەیماوە بۆ و بانۍ بە هەڕەشۍ سەرو مەنتیقەکەیما.
ماچۆ، تا دەوڵەتو تورکی هێزەکاش جە عێراقەنە نەکیشنۆوە هیچ پەیوەندیێوەما چنیش نمەبۆ.
باسش چانەیچ کەرد، پاشێلکەردەی بەردەواموو سەروەری عێراقی قبوڵ نمەکەرمۍ و پەنەوازا هامپەیمانا و دەوڵەتو تورکی هێزەکاشا جە وڵاتەکەمانە بەرانۍ بەرۆ.
ماوەو دووۍ حەفتان، دەوڵەتو ئەرەگیرو توركی هەزاران سەروازۍ و سەڎان تانكۍ تەرێش ئاوردێنۍ سنوورو پارێزگاو دهۆكی و هرووژم و ئەرەگیریەکێش پەی سەرو هاموڵاتییا مەدەنی و دەگانشینا زیاتەرۍ کەردێنۍ، ئەرەنیشتۍ ئا سنوورا بەمەڵامەتوو بۆردوومانەكاو توركیایۆ ناچارۍ بیۍ دەگایەکاشا چۆڵۍ بكەرا.
