دماو ئانەی پارتوو یەکسانی و دیموکراسیی گەلا (دەم پارتی) جە هۊرچنیەکانە شارەوانی جولەمێرگیش بەدەسئاورد، جە ٣ ۍ حوزەیرانینە شارەوانییەکە دەسش سەرەرە گیریا، جە دژوو دەسسەرەرەگېرتەی "ڕاپیمای ڕێزگېرتەی جە ئیراڎە"ی دەسش پنە کەرد. ڕاپیماکەی ٨ ڕوێن بەردەواما. هامسەرۆکەو گرڎینەو دەم پارتی تولای حاتەم ئۆغۆللارییە جە ڕۆو ٨ ەمینە بەشداریش جە ڕاپیماکەینە کەرد.

ڕاپیماکەی ئیساتۍ جە دۆڵەو زاپینە بەردەواما، تولای حاتەم ئۆغۆللارییە ئەرەیاۋناش ئی ڕاپیمایە پەی ڕێزگېرتەی جە ئیرادەیمانە و مافوو دەنگدایما و دەستوور دەسش پنەکەردەن، واتش: "داخەم مەشۆ زیهنیەتوو قەیوم ‌پارێزی ڕێز چینەی نمەگێرۆ و قەیوم منیۆرە. دژوو ئی زیهنیەتەیە کودەتای سیاسی ئەنجام مڎۆ، جە گرڎ شۊنێنە چالاکی ئەنجام مڎریۆ. ئێمە جە گرڎ شۊنۍ کورڎەسانی و تورکیاینە پەی ڕێزگېرتەی جە ئیرادەیما ڕاپیمای مکەرمۍ. ڕێز جە دەنگدەرا و ئەنجاموو سنووقەکا بگېرا و دڎان بنیا بە هامسەرۆکەکارە ".

دماتەر چالاکەکۍ جە ڕاپیمای بەردەوامۍ بێنۍ.