ڕاوەبەرایەتیی هەرێموو فوراتی ئەرەیاوناش، کە سەڎەنە ٨٠و ئا پڕۊژە خزمەتگوزارییا، کە پەی ساڵەو ٢٠٢٣ نریێبێنێرە، تەمامیێنۍ. ڕاوبەرایەتی دەسنیشانش کەرد، کە چەنی کۊمۊنەکا دەسشا بە ئامادەکەرڎەی پڕۊژەکاو ساڵەو ٢٠٢٤ کەرڎەن.
هەرێموو فوراتوو سەرنیشت و وەرکەوتوو سوریاینە، سەڎەنە٨٠و ئا پڕۊژا، کە ساڵەو ٢٠٢٣ پەی خزمەتکەرڎەی دیاریۍ کریێبێنی، تەمامیێنۍ.
فەلەک یوسفە، هامسەرۊکەو دەسەو ڕاوەبەرایەتیی هەرێموو فوراتی سەروو ئا بابەتا قسێش کەرڎۍ و واتش: "ئا پڕۊژۍ کە پەی ساڵەو ٢٠٢٣ نریێبێنێرە، ئیساتۍ خەریکا بەتەمامی تەمامیا. هەرمانەکاو دەسەو هەرێمی: خزمەتگوزارییێنۍ، خزمەتکەرڎەی گەلین. سیستەمەکەما سەروو بنەماو سیستموو کۊموناڵی بنیات نریان. شارەوانی ساڵانە کۊ بۊوە چەنی خەڵکی و پڕۊژەکا چەنی کۊمۊنەکا منیۊرە."
فەلەک یوسفە ئاماژەش پانەیچ کەرد، سەڎەنە ٨٠و پڕۊژەکاو خزمەتگوزاری، کە پەی ساڵەو ٢٠٢٣ پلانەشا پەی نریێبێرە تەمامیۍ و درێژەو قسەکاشنە واتش: "سەڎەنە ٨٠و پڕۊژەو قیرکەرڎەی ڕاوبانەکا، ئاوەڕۊ، ئاوەو وارڎەیوە، پاککەردیوە شاری و ئامادەکەرڎەی باخچەکا تەمامیێنۍ ".
