حکومەتو بەغڎای کە هرووژمەکۍ ئی دماییەو دۆڵەتو تورکی ئەرەگیریش پەی سەرو پانیشتو کورڎەسانی شەرمەزار کەردۍ، شاندېوە ئەمنی باڵاش پەی ئەوەکۊڵیای ڕەوانەو پانیشتو کورڎەسانی کەرد.
بە قەرارو سەرۆکوەزیرانی فەرماندەو گرڎیی هێزە چەکڎارەکا عێراقی محەمەد شیاع سودانی، شاندێوە بە سەرۆکایەتی راوێژکارو ئاسایشی نیشتمانی قاسم ئەعرەجی سەردای هەولێریشا کەرد.
شاندەکە جە هەرێموو کورڎەسانینە شۊنیرەلوای پەی ئاژەو ئەمنی، هرووژم، ئەرەگیری، ژڵېوییای سەروازی و نوقتۍ وشکانایۍ کە دەوڵەتوو تورکی نیێنێشرە جە دهۆکەنە مکەرۆ.
چەمەڕا مکریۆ ئەعرەجی چنی وەزیرو دلېینەی و ۋەرپەرسا تەرو حکومەتی ماوە سەرشیەو هەرێموو کورڎەسانی کۊبۆوە.
ڕۊو چوارشەممەی جە گلېرۆبیەو دەسەو ئاسایشی نەتەوەیینە قەرار سەرو کیانای ئا شاندیە دریا.
واتەواچوو فەرماندەی گرڎیی هێزە چەکڎارەکا عێراقی، لیوا یەحیا رەسوڵ ئەرەیاۋناش، کە جە گلېرۆبیەکانە دەستوەردایەکۍ هێزەکاو تورکیای جە مەنتیقە سنووریە هامبەشەکانە هۊرسەنگنایشا پەی کریا. واتیچش، " جە گلېرۊبیەکەنە گرد جۆرە هرووژمېوە سەروازا تورکی سەرو خاکو عێراقیۆ ڕەڎۍ کریێوە".
