کۆبییەیوەی ١٩ەمینوو ئەنجوومەنو وەزیرانو عێراقی کە بە سەرپەرشتیی محەمەد شیاع سودانی سەرۆکوەزیرانو عێراقی کریا، ورسەنگنای پەی ئاوەدانکەردەیوە شنگالی کریا، کە کۆمەڵێو پەرسێ گێرۆ وێ و قەرار دریا.

ئەنجوومەنو وەزیرانی ئەرەسپارایەکاو قەرارنامەو ژمارە ٢٠٢٤و لوجنەو پرۆژەو پاڵاوگەو کەرکووکیش پەسەندێ کردێ و قەرارش دا ئەرەسپارایەکاو فەرمانگەی یاسایی ئەمینداریی گردینو ئەنجومەنوو وەزیرا بیاونۆ یاگێ.

بەتایبەتی بەمەبەسوو چەمداریکەردەی دۆخوو شنگالی و ئاوەدانکەردەیوە مەنتێقە ئازادکریایەکا، ئەنجوومەنوو وەزیرا هەموارو ماددەو ششەموو قەرارنامەو ژمارە ٢٤٠٤٣ ئەنجوومەنوو وەزیراش پەسەند کەرد، کە ساڵەو ٢٠٢٤ پەسەند کریا.

پێسە بۆ ئی خاڵێ فاڕیێنێ:

١- بەشکەردەی هەردووە پارچە زەمینا، کە جە بڕگەو ششەموو قەرارنامەو ژمارە ٢٤٠٤٣ ئەنجوومەنوو وەزیرانینە ئامان، لاو وەزارەتوو ئاوەدانکەردەیوە، ئەرەنیشتەکەردەی و شارەوانی و هەرمانوکاری گردینی وربشنیۆوەو، پێسەو موڵک و یانەو ئانیشا بگێڵنیۆوە پەی شارەوانیی شنگالی.

٢- زانیاری دروس و ئامار سەروو ژمارەو ئا خێزانە ئاوارەبییاو شنگالی بەتایبەت ئا خێزانێ کەمپەکانە  مژیوانێ، بدریۆ بە وەزارەتو کۆچ و کۆچبەرا. جگە چانەیچە ئی زانیاری و ئامارێ جە وەشکەرەی شارو ئەرەنیشتەی کۆمەڵایەتی، ئامادەکارییەکاو بیناسازی و ژمارەو یەکەکاو ئەرەنیشتەی بە نرخێوی هەرزانە پێشکەششا بکریۆ و دابین بکریۆ.