پەیوەس بە گۆشەگیری سەختوو سەروو ڕابەروو گەلوو کوردی عەبدوڵا ئۆجالانی بنەیانەو گەشمەرڎا کانتۆنوو فراتی جە ئەرەیاۋنێوەنە پەیاموو ئانەیشا دا هەتا دما نەفەس خاوەنداری جە ڕابەرایەتی مکەرمۍ.

ئەرەیاۋناکەی ۋەروودەم و ئەنجوومەنوو بنەیانەو گەشمەرڎا کانتۆنوو فراتینە جە تەرەفوو ئەندامەو ئەنجوومەنوو بنەیانەو گەشمەرڎا کانتۆنوو فراتی دەریا محەمەڎێوە ۋنریاوە.

جە ئەرەیاۋناکەینە ئاماژە بە گۆشەگیری سەروو ڕابەروو گەلوو کوردی عەبدوڵا ئۆجالانی مکەرا و ماچا: "گۆشەگیری سەروو ڕابەر عەبدوڵا ئۆجالانی نایاساییا و ڕابەر ئۆجالان نمایندەو ئیراڎەو گەلوو کوردین. پێویسا گەلاو ئازاڎیی جەهانی پەی ڕزگارکەردەی ڕابەرایەتی جە ئیمراڵینە، هەڵوێس برمانا."

جە درێژەو ئەرەیاۋناکەینە ئامان: "ڕابەروو گەلوو کوردی کە بە تەنیا کەسایەتیێوە سیاسی گەلوو کوردی نیا، بەڵکم ئەفسانێوە ۋەرکەوتوو دلېڕاسەیا و ئازاڎیی ڕابەر ئاپۆی پەی کەمکەردەیۆ پشێوی و جەنگین جە هەرێمەکەنە. ۋەروو ئینەینە ئەرەمەرزیاو سی پی تی ئەرکوو ۋێش جابەجێ مەکەرۆ و گەلوو کوردیش هۊرخەڵەتنان و گۊش بە ڕاگیریەکا وەروودەم و پارێزنەرا عەبدوڵا ئۆجالانی مەڎۆ کە مەتاوا سەردای ڕابەری بکەرا. سەرەڕاو ئانەی گەلوو کوردی هیواو ۋێش پی ئەرەمەرزیایۆ لکەدا، بەڵام سی پی تی جە پیمەرەکا ۋێشەنە شکسش ئارد."

جە دما دماینە داواشا جە گرڎوو ڕێکوزیا میان نەتەوەییەکا مافەکا مرۆڤی و گلېرگەی میان نەتەوەی کەرد و واتشا: "بەشدارۍ ئی کەمپینەیە بیدۍ حەتا دمایی بە گۆشەگیری نامرۆڤایانە و نایاسایی سەروو ڕابەر ئۆجالانی بۍ و پەی ئانەیچ بە ئەرکی یاسایی و ئەخلاقی ۋێشا هۊربێزا."