چالاکی ئاسمانی: ٨ ئەرەگیرۍ سزادریۍ، ٧ مۆڵگۍ و ٤ خێمۍ دلېنەبریۍ
یەکینەکاو گەشمەرڎە دۆغان زناری ٤ چالاکیۍ ئاسمانیێشا کەردۍ. چا چالاکیانە ڕۊشنبیۆ ٨ ئەرەگیرۍ سزادریێنۍ، ٧ مۆڵگۍ و ٤ خێمۍ دلېنەبریێنۍ.
بە دیمەن
ئەرەیاۋناکەو ناوەڼو ئەرەیاۋنای و چاپەمەنی هەپەگەی پی جۆرەنە:
"جە ما بەینوو ٢٩و حوزێرانی و ٢ۍ تەمووزینە جە لایەنو یەکینەکاو گەشمەرڎە دۆغان زناریوە، بارەگاکۍ سوپاو تورکی ئەرەگیری جە هەڕێموو گەشمەرڎە دەلیلی جە ۋەرنیشتوو زاپینە بە ئامێری هەوایی کریۍ ئامانج. بارەگاکۍ ئەرەگیرا جە مېڎانوو مڎرامانوو کەشوو جودینە جارێوە و بارەگاکێشا جە مېڎانوو مڎرامانوو کەشوو ئێف ئێمینە ٣ جارۍ جە ئاسمانۆ گورزەشا ۋنە شنیا. چا چالاکیانە ٨ ئەرەگیرۍ سزادریۍ، ٧ مۆڵگۍ و ٣ خێمۍ دلېنەبریۍ و بارەگاکۍ ئەرەگیرا بە رێژێوە فرە زەرەرشا ۋەرکۊت.
هێزەکېما سەرەڕاو ئانەی جە مانگەی ۋییەرڎێنە چڼین جارۍ جە ئاسمانۆ گورزەشا ۋنەو سوپاو تورکی ئەرەگیری شانێنە و زەرەری گۊرەشا ۋنە دێنۍ، بەڵام دەوڵەتو تورکی زەرەرە گیانیەکاش ئاشکرا نمەکەرۆ و پەی ئانەی ئەنجاموو چالاکیەکا گەریلای کە پەشتی بە تەکنەلۆجیای بەسانە بە گلېرگەی نەیاوا، جە بنەڕەتەنە مشارۊشاوە. دەوڵەتو تورکی نکۆڵی چا چالاکیایچە بکەرۆ و جە بنەڕەتیچۆ بشارۆشاوە، ئێمە ئا چالاکیا بە دیمەنەکاشاوە پێشکەش بە گەلە وڵاتپارێزنەکەیما و رای گرڎینی مکەرمۍ".
