هێزەکاو ڕزگاریی عەفرینی واتشا جە چالاکیی جوابدایۆنە، هێزەکێشا ١٠ ئەرەگیرکەرێ دەوڵەتو تورکیشا کوشتەن، کە چوارشا سەروازێ و ششسا چەتێ بێنێ. هەرپاسە ١٢ ئەرەگیرکەرێش بریندارێ بیێ.
فەرماندەی گردینو هێزەکاو ڕزگاریی عەفرینی پێوەس بە چالاکیی جوابدایوەکەیشا وەراوەرو هجوومە ئەرەگیرکارییەکا، کە بەینو ٢پەی ٢٩و نیسانی کریان، ئەرەیاوناێوەش وەڵا کەردۆ.
ئەرەیاونایەکەن ئی زانیاریێ هەنێ:
"هجوومی ئەرەگیرکاریی دەوڵەتو تورکی ئەرەگیرکەری و چەتەکاش سەرو هەرێمەکاو سەرنیشتی و وەرکەوتو سوریای بەردەواما. وەراوەرو ئی هجوومانە هێزەکێما چالاکیی وەرپەرچدایوەشا کەرد.
چوارچوەو چالاکییەکانە:
ڕۆو ٢ێ نیسانینە خەتەو شارەکڵەو بابینە چالاکیێوە نیشانەماڕێ کریا، ئەنجامو چالاکییەکەینەچەتێوە کوشیا.
ڕۆو ٦و نیسانی هێزەکێما خەتەو مارەینە چالاکیی نیشانەماڕێشا کەرد و چەتێوەشا کوشت.
ڕۆو ١٣و نیسانی هێزەکێما چالاکیێوی تایبەتشا دەگاو عەبلەینە کەرد، ئەنجامنە ٢ چەتێ کوشیێ، چەتێوەیچ بریندار کریا و سەیارێوەیچ دلێنە بریا.
ڕۆو ١٨و نیسانی خەتەو مارەینە هێزەکێما چالاکیێوی تایبەتییشا کەرد و ٣ چەتێ بریندارێ کریێ.
٢٣ نیسانینە دژو کامپو داخلباشیینە سوپاێوە تورکی ئەرەگیرکەری بە چەکی قورس چالاکیێوە کریا، ئەنجامنە سەروازێوی تورکی ئەرەگیرکەری کوشیا و ٣ تەرێچ بریندارێ کریێ.
ڕۆو ٢٩و نیسانینە دژو هەردووە بنکەو سوپاو تورکی ئەرەگیرکەری ئەناباک و کەفرمزی مەنتێقەو جەنگو کانتۆنو عەفرینی چالاکیێوە تایبەت کریا. ئەنجامو هەردووە چالاکییەکەینە ٣ سەروازێ سوپاو تورکی کوشیێ، ٥ سەروازێچ بریندارێ کریێ.
ئاخرو چالاکییەکانە گردیوە ٤ سەروازێ سوپاو تورکی ئەرەگیرکەری و ٦ چەتێ کوشیێ، ٨ سەروازێ و ٤ چەتێچ بریندارێ بیێ."
