چالاکییەکەو مەخمووری ساڵێوەش ملەرە لوا
چالاکێ عەزیمە ئاڤیانی و سدیق هەشتانی واتشا، تا بەدیئاردەی ئازادیی جەسەیی ڕابەروو گەلوو کوردی، بەردەوامێ بانە جە ئێشکگێری و ماچا: "ئەو ئەرەگیرکاری و خیانەتە کە مکریۆ، لکی دریان بە گۆشەگیرییوە."
دەوڵەتی تورکی ئەرەگیرکەری بە مەبەسوو بەیاگەیاونای سیاسەتوو ئاسیملاسیۆنی سەروو گەلوو کوردیرە و تا ویرۆکەکاو ڕابەروو گەلوو کوردی عەبدوڵا ئۆجالانی جە گەلی ئازادیوازی بڕۆرە، گۆشەگیریی ڕەها سەروو ڕابەروو گەلوو کوردیرە مسەپنۆ. ٢٥و ئاداروو ٢٠٢١ـیوە کە بۆ بە ٤٠ مانگط، تا ئیساتێ ڕاش نەدێنە هیچ زانیاریێوی جە ڕابەر ئۆجالانیوە بیاوۆ دەسوو خەڵکی. بە مەبەستوو ماڕای گۆشەگیری و ئازادیی جەستەیی ڕابەروو گەلوو کوردی عەبدوڵا ئۆجالانی، جە ٢٠و تەموزوو ٢٠٢٣ـێوە چالاکیی ئیشکگێریی دەسش پەنە کەردەن و ماوەو ساڵێوا درێژەش هەن.
چا چوارچوەنە هامقسەکەرەو کۆمیتەو چالاکیی ئیشکگێریی مەخمووری، عەزیمە ئاڤیانیە و چالاکووچالاکییە ئیشکگێرییەکەی سدیق هەشتانی سەبارەت بە ساڵیادوو ئیشکگێرییەکەی پەی ئاژانسوو هەواڵوو فوراتی دوێ.
عەزیمە ئاڤیانییە، قسەکاشنە ئاماژەش پەنەیە دا، کە ئا ئێشکگێرییە، کە ٢٠و تەمموزیوە چوارچوەو هەڵمەتەو ئازادیی جەستەیی ڕابەروو گەلوو کوردی عەبدوڵا ئۆجالانینە دەسش پەنە کەردەن، ساڵێوەش ملەرە لوا و بەردەواما و هەمان وەختنە ڕاپیمای و سیمینار و ئەرەیاونای ئازادیی جەستەیی ڕابەر ئاپۆی پەرەش پەنە دریان و بەردەوامیچ مبۆنە. ئەرەنیشتاو کەمپەکەی بە جۆش و حەماسەتێوی فرەەوە خێرامایشا وەنەو چالاکییە کەردەن و حەر ٥ ڕوێ جارێو گرووپێوی تازە جە گەنجان و ئەدایا و پیراو کەمپەکەی ئیشکگێرییەکەیشا ورگێرتەن. ئانەیچشا وات: "چالاکییەکێما تا بەدیئاردەی ئازادیی جەستەیی ڕابەر ئاپۆی بەردەوامێ با."
ئاخروو قسەکاشەنە عەزیمە ئاڤیانیە داواش جە گردوو گەلوو کوردی کەردە، کە پەی ئازادیی ڕابەروو گەلوو کوردی عەبدوڵا ئۆجالانی درێژە بە هەرمان و چالاکییەکاشا بدانە و چەمەڕوان مکریۆ چالاکییەکێ گرد یاگێوەنە زیاتەر پەرەشا پەنە بدریۆ، واتیچش: "پێویسما بە پاڵپەشتیی جیهانیی هەن. داوا جە گردوو گەلوو کوردستانی مکەرمێ وەراوەروو گۆشەگیریی ڕەهاو سەروو ڕابەر ئاپۆیوە بمجیانە مەیدانەکا و خاوەنداریی وێشا بەرز بکەرانێوە."
هەرپاسە چالاکوو ئێشکگێریی، سدیق هەشتانی، سەرنجەش پەی گۆشەگیریی ڕەهاو سەروو ڕابەروو گەلوو کوردی عەبدوڵا ئۆجالانی کێشتە و واتش: "پێسە مزانیۆ چالاکیێوی کامپەکەنە پەی ماڕای ئا گۆشەگیرییە قورسەو سەروو ڕابەر ئاپۆی ملۆ ڕاوە. ئیساتێ چالاکییەکێ تا ئاستێوە کەمشا کەردەن و پێویسا واوەی پەرە بە چالاکییەکان بدریۆ گرد لایێوە. تا بە شێوێوی فیزیکی سەرۆکایەتیما ئازاد نەکەرمێ و کوردستان ڕزگار نەبۆ، دەبێت بە شێوێوی چالاکانەتەر درێژە بە چالاکییەکاما بدەیمێ. هەرپاسە ئا ئەرەگیرکاری و خیانەتە، کە ئەنجام مدریۆ پەیوەندییش بە بەردەوامیی گۆشەگیرییوە هەن. گەرەکشانە بە هەستەرکەردەیوەی گۆشەگیری دەنگوو سەرۆک ئاپۆی نەیاوۆ بە گەلەکەیش. پەوکای داوا جە گردوو گەلوو کوردی مکەرمێ بە شێوێوی جەماوەری دژوو خیانەتی و گۆشەگیریی بمجیارە مەیدانەکا چونکوم ئی جەنگە جەنگوو مەنەی و نەمەنەیا پەی گەلوو کوردی."
